أكد المستشار مرتضى منصور رئيس نادي الزمالك أن الفريق الأول لكرة القدم بالنادي مستعد لمواجهة الرجاء المغربي في أى وقت وتحت أى ظروف، مشيرًا إلي أنه يتنمى للاعبي الرجاء الشفاء العاجل بعد إصابتهم بفيروس كورونا.
وقال “مرتضى” : “بقول للعيال السفلة اللى بتقول ضيعت حق الزمالك أنا صانع الفرحة، ومش انت اللى هتحدد اية اللى هيحصل، ومش كل اللى تعرفه هتقوله، والزمالك اللى كسب بطل الدوري السعودي والتونسي والمغربي، في عهد مرتضى هيضيع ازاى”.
وأشار :”قولت للاعبين ركزوا احنا هنلعب فى اى وقت وفي أي ظرف، ومحمد رشوان الدنيا كلها بتحتفل بيه دلوقتى علشان مرضيش يستغل إصابة بطل اليابان”.
وأضاف “مرتضى” في تصريحات لبرنامج “زملكاوي” على قناة “الزمالك” : “الزمالك دلوقتى بقى متحضر وبيروح اى مكان يتشال فوق الدماغ، في أى وقت هنلعب وهنسكب لأن فيه تاجر سعادة بيجيب البطولات”.
وأتم:” ربنا يشفى لاعبي الرجاء لأن صحتهم أهم من البطولة ويجيو يلاعبونا في مصر ونسقبلهم في مصر زي ما استقبلونا أحسن استقبال في المغرب”
