كشف المستشار مرتضى منصور رئيس نادي الزمالك أنه تبرع لخزينة النادي بمبلغ 17 مليون جنيه العام الماضي، مشيرًا إلي أنه رفض تلقى هدايا من المستشار تركي آل شيخ رئيس هيئة الترفية في المملكة العربية السعودية.
وقال “مرتضى” : ” انا متبرع للزمالك بـ17 مليون وأحط عيني في صباع التخين، وتركي آل شيخ عرض عليا فلوس ورفضت كده وقلت حطهم فى خزينة نادي الزمالك، وكنت اقدر اخد ساعات زي غيري”.
وأشار : “نازل انتخابات الزمالك الجاية وهطلع الأول إن شاء الله زى المرة اللى فاتت وهوريك مين مرتضى منصور ياهشام ياحطب”.
وأضاف “مرتضى” في تصريحات لقناة “الزمالك” : ” محدش يدخل رئيس الوزراء فى جملة مفيدة ده راجل نضيف وعاقل، ولغاية دلوقتى والده ساكن جني، وكان لاعب في نادي الزمالك وهو راجل محترم، ومحدش يكلمنى على الدكتور مصطفى مدبولي”
وتابع :بقول للالتراس اللى أصبحوا جزء من جماهير الزمالك ممنوع حد ينزل الشارع، ويوم السبت فى تجمع لكل الرياضيين في نادي الزمالك من كل الألعاب لدعم مرتضى منصور ”
وأتم :”بقول لهشام حطب لو انت راجل أوقف نادي الزمالك، نادي الزمالك اقدم منكم كلكم، وبنقول لوزير الشباب والرياضة نحبك ونقدرك وانت مشتوم في الجواب اللى اتبعت من هشام حطب لحسن مصطفى، ولو الوزير مختش قرار هنرفع قضية ضد معالى الوزير للمرة الثانية طبقًا لقرار المحكمة في المرة الأولي”
