كشف المستشار مرتضى منصور رئيس نادي أنه تقدم بمذكرة للدكتور أشرف صبحي وزير الشباب والرياضة من أجل التدخل لوقف قرار اللجنة الأولمبية بوقفة 4 سنوات والذي أعلنت عنه اللجنة مساء الأحد.
وقال “مرتضى” :”بورى الشعب كلة ان لما مرتضى بيقول حاجة مش بتكون هبل، وهشام حطب راح سويسرا قابل مسؤل إخواني كبير، وأبو سنيدة بيحرك هشام حطب وحسن مصطفي اللى هما خادمين لتميم”
وأشار:” قدمت مذكرة رسمية لوزير الشباب والرياضة، وبقول لجمهور الزمالك اوعى تنزل الشارع علشان الإخوان ميدخلشوش وسطكم، ومصر أهم من مرتضى منصور، وبشكر كل جماهير الزمالك سواء جمهور عادى أو وايت نايتس”
وأضاف “مرتضى” في تصريحات لبرنامج “زملكاوي” على قناة “الزمالك” :” النهاردة كنت فى النادي وكنت بمضى على الورق وكنت بكتب على كل ورقة طز فى هشام حطب، وانت مش محترم يا هشام ياحطب وانا مش هسيبك، وبقول الجمهور لو عاوزين تعملولى وقفات اعملها على وسائل التواصل الإجتماعي”
وتابع:” مفيش حد محترم يعمل العملة الوسخة دى فى الوقت ده اللى فيه انتخابات، واللجنة الأولمبية لما شافتنى بهدى الأجواء بين جمهور الأهلي والزمالك طلعت القرار بإيقافي لأنها مش عاوزه الدنيا تهدى بين جمهور الأهلي والزمالك”.
وواصل :”لأول مرة في التاريخ وفى العالم يبقى فيه جمهور يحب رئيس نادية كده، علشان عارفين ان رئيس النادي بيحبهم كده، حتى اللى كان مخالف بقى فاهم ان القصة مش مرتضى منصور القصة هدم نادي الزمالك”.
وأتم :” اتمنى من الوزير ميخلنيش ألجأ للقضاء لان دى هتكون المرة الثانية والمرة الأولى كان موقفه سلبي، والوزير مش على راسه بطحة ويشوف شغله”
