أكد المستشار مرتضى منصور رئيس نادي الزمالك أن هناك حرب ضد نادي الزمالك يقودها بعض الأشخاص الذين يرغبون فى إسقاط نادى الزمالك ومرتضى منصور، مؤكدًا أن يتصدى لهذه الحرب بكل قوة.
وقال “مرتضى” : “احنا بنتعامل بضمير وشرف ودي هي المواقف اللي بين الأندية العربية، ومتابع كل وكالات الأنباء وبتتكلم عن زمالك الأخلاق وفاكر محمد رشوان اللي كان ممكن يكسب بطل اليابان وهو مصاب ورفض والعالم كله الآن بيحترمه”.
وأشار:” ملايين بتندفع علشان الزمالك يقع اوعى تفتكر الصفحات دي حقيقة دي صفحات بتتعمل بفلوس، صفحة بتتعمل وبيدخلوا 10 الاف واحد بيشتموا ودي ملايين تندفع، الزمالك يقع ومرتضى يسقط في الانتخابات”
وأضاف “مرتضى” في تصريحات لبرنامج “زملكاوي” على قناة “الزمالك” : “كانوا مستنين الزمالك يخسر في المغرب الزمالك كسب ومستنين مرتضى يتوقف لكن خاب ظنهم علشان فيه ولاد رجالة ومدير فني محترم وابنى امير اسد من الاسود هناك”
وتابع:” بيطلعوا اشاعات بتشميع الخزنة وممدوح عباس عمل حجز على أرصدة الزمالك والجهاز المركزي للمحاسبات قاله يا حرامي وكان معه في المجلس عمرو الجنايني وجابوا الزمالك الأرض”
وواصل :” هذيع مرافعتي ومصر كلها تسمع ازاي كانوا مخربين النادي انشائيًا ورياضيا، وعملت انشاءات بيفتخر بها الجميع، والقناة الأولى رياضيا، عندي 35 مليون جنيه وفر في خزينة النادي ”
وأكمل :” بطمن جماهير الزمالك كل الحرب القذرة دي ولابتهز شعرة من راسي لجماهير الزمال فريقكم فريق محترم وان شاء الله نحصل ع البطولة”.
وأتم :”ببارك لبيراميدز على التأهل لنهائي الكونفيدرالية وسالم الشامسي رئيس النادي اللي اول واحد كتب على صفحته بعد إيقافي”
