مرتضى منصور يفتح النار على أعضاء اللجنة الأولمبية ويؤكد ” لو رجالة جاوبوا على الأسئلة دى”
فتح المستشار مرتضى منصور رئيس نادي الزمالك على هشام حطب رئيس اللجنة الأولمبية وياسر إدريس عضو اللجنة، وذلك بعد قرار اللجنة بوقفة لمدة 4 سنوات وعزله من رئاسة نادي الزمالك
وقال “مرتضى” :”بقول لهشام حطب والعيال اللى معاه روحوا اشتكوا الاستاذ كمال عوض اللى كشف الخطابات المسئية بين حسن مصطفى هشام حطب واللى شتموا فيها كل مؤسسات البلد”.
وأضاف “مرتضى” في تصريحات لقناة “الزمالك” : “بقول لياسر إدريس انت تعين فى الأهرام علشان تجديد عقد الرعاية للزمالك اللى كان الأهلى بياخد 50 مليون والزمالك 3 مليون”
وتابع :” بسأل ياسر إدريس سؤال قدام مصر كلها انا مش ضربتك علقة عشان كنت عامل أوضة فوق حمام السباحة عشان كنت قالبها للأعمال المنافية للآداب، وانت كنت شغال موظف فى المقاولون العرب بـ500 جنيه، وعيونك علشان تجدد عقد رعاية وكالة الأهرام، وانت بقالك عشر سنين بتاخد مرتبك و مكافأتك وانت مدخلتش وكالة الأهرام”
وواصل :”انت وهشام وحطب عاملين شركة لتوريد الأجهزة الرياضية لتوريد للأندية وهذا مخالف تمامًا لكافة القوانين والمواثيق الدولية”
وأكمل :”بسأل هشام حطب هل أنت فعلا هربان من التجنيد، ولو انا غلط أطلع ورد واقول اه أو لا، ولو مردش يبقى متنزلش من بيتك تاني، واشمعنى انت عملت لائحة تشيل منها الشرط الرئيسي الخاص بشرط التجنيد، وهل انت فوق القانون وتفصل لائحة لنفسك”
وأتم :”انت عامل عقد شراكة مع ياسر إدريس لشركة توريد الأجهزة الرياضية ولما اتكشفت عملت الشركة باسم ابنك، وانت حاليا بتمضى باسم المهندس وانت خريج كلية العلوم”
