نفى المستشار مرتضى منصور رئيس نادي الزمالك إقالة طارق يحيى من رئاسة قطاع الناشئين بالنادي مشيرًا إلي أن ماحدث هو تبديل إختصاصات مع غانم سلطان نجم الزمالك السابق.
وقرر مجلس إدارة نادي الزمالك برئاسة المستشار مرتضى منصور، تولي طارق يحيى رئيس اللجان الفنية لقطاعات الكرة بالقلعة البيضاء بدلا من رئاسة قطاع الناشئين.
كما قرر مجلس إدارة نادي الزمالك إسناد مهمة قطاع الناشئين لغانم سلطان بعدما تولى طارق يحيى رئيس اللجان الفنية لقطاعات الكرة بالقلعة البيضاء.
وقال “مرتضى” :” طارق يحيى كان ماسك قطاع الناشئين وغانم سلطان كان في اللجنة الفنية واللى حصل تبديل المناصب، خاصة أن طارق يحيى بقى ليه يوم فى القناة وبقى محلل القناة واحنا عايزينه نفرغة للقناة”.
وأشار :” هو مفيش غير نادي الزمالك واخباره والناس كلها تقعد تسال هو الزمالك هيعمل ايه وهيلعب فين، فيه أندية مفيهاش فلوس وبيضربوا بعض”.
وأضاف “مرتضى” في تصريحات لبرنامج “زملكاوي” على قناة “الزمالك” :” هم اللي شغالين في المواقع قاعدين فاضين ما ياخي انت عندك رئيس نادي اسأله وعلشان انت قليل الادب مبتسألش طيب أسال فاروق جعفر”.
وتابع:”بصراحة معجبتنيش صحة طارق الايام اللي فاتت هو كان بين قطاع الناشئين للقناة، ولم تتم إقالة طارق يحيى لأنه معملش حاجة تستاهل الإقالة ده هيكون رئيس اللجنة الفنية للنادي كله”.
