كشف المستشار مرتضى منصور رئيس نادي الزمالك أنه حرص على التحدث مع لاعبي الفريق الأول لكرة القدم بالنادي بين شوطي لقاء الفارس الأبيض أمام حرس الحدود في الدوري.
وقال “مرتضى” :” النهاردة شفت الأولاد المحبطين وكلمت احمد زاهر إداري الفريق قولته افتح الميكروفون للاعبين عاوز اقولهم كلمتين”
وأشار: ” قولتهم انتوا رجالة ومرتضى منصور رئيس نادي الزمالك غصب عن التخين، وعاوز روح مرتضى منصور تبقى عندكم فى الشوط التاني، وأنا هنا بتكلم فى النفسيات علشان محدش يقولى تدخل”
وأضاف “مرتضى” في تصريحات لبرنامج “زملكاوي” على قناة “الزمالك” : ” الونش رد عليا وقالى والله العظيم هنكسب علشان روح الزمالك ومرتضى منصور وفي الأخر الونش اللى جاب الجون”
وتابع : ” لاعبتنا رجالة واى حد هياجهم يبقى مش زملكاوي علشان عندنا ماتش كل 48 ساعة وفيه سيف على رقبة اللاعبين موضوع خصم الـ3 نقط”
ونجح نادي الزمالك في تحقيق فوز هام على حرس الحدود بهدفين مقابل هدف نظيف في المباراة التى جمعت الفريقين على أرضية استاد الماكس في الإسكندرية ضمن منافسات الجولة الـ33 من عمر بطولة الدوري العام الممتاز لكرة القدم.
ويستعد نادي الزمالك لمواجهة الرجاء المغربي يوم 18 أكتوبر الجاري في الدور قبل النهائي من بطولة دوري أبطال أفريقيا، في المغرب على أن يقام لقاء العودة يوم 24 من نفس الشهر في القاهرة.
