مرتضى منصور يناشد رئيس الجمهورية لوقف قرار اللجنة الأولمبية “يرضيك اللى بيحصل معايا ده”

ناشد المستشار مرتضى منصور رئيس نادي الزمالك الرئيس عبد الفتاح السيسي بالتدخل لوقف قرار اللجنة الأولمبية والذى يقضى إيقافه لمدة 4 سنوات مع عزلة من رئاسة نادي الزمالك.

وقال “مرتضى” :”انا باخد مكافأتي من الدولة انى أحسن رئيس نادي فى مصر لمدة 5 سنين بقرار اللجنة الأولمبية، ومع احترامي لأعضاء مجلس الإدارة كانوا بيناموا ويصحو يلاقوني عامل منشأة ومخلصها وانا اللى رسمت النادي كله، وعلشان كده بتجازي دلوقتى.”

وأضاف “مرتضى” في تصريحات لبرنامج “زملكاوي” على قناة “الزمالك” : ” بقول للسيد رئيس الجمهورية حضرتك راضى عن اللى بيحصلى ياريس، اللى بيعتزل بيكون عنده أخطاء زي انه يكون عنده فساد مالى أو مدخل السياسية في الرياضة ومش انا اللى عملت كده”

وتابع:” أنا بطلب من رئيس الجمهورية أنى عاوز لجنة تحقيق في اللى بيحصل لأن مصر كلها بتسأل هو ايه اللى بيحصل مع مرتضى منصور، ونادي الزمالك، وانا متاكد إن اللى وراء اللام ده هى قطر من خلال الرسايل اللى بتجيلى، وانا ومهما حصل هفضل عايش فى البلد دى لانى عاشق لتراب البلد دى”

وأتم :”مرتضى منصور حول نادي الزمالك من خرابة لمنشأة عالمية وكان عندنا حمام سباحة واحد بقى عدنا 18 حمام سباحة ومنشأت عالمية بيجى فيها ناس من كل بلاد العالم”