كشف المستشار مرتضى منصور رئيس نادي الزمالك أنه سيعمل خلال الفترة المقبلة على إرسالة مذكرات اعترض للهيئات الرياضية الدولية ردًا على الخطابات التي أرسلها اتحاد الكرة المصري للاتحاد الدولي لإخبارهم بقرار اللجنة الأولمبية بوقفة عن لمدة 4 سنوات.
وقال “مرتضى” :”احنا علشان الخاين هشام حطب وعمرو الجنايني بقينا بنتكلم فى حاجات تانية غير استعدادات الفريق لمباراة الرجاء، والاتنين بعتوا جوبات لجهات دولية يستعدوني فيها علشان اخاف وبقلهم انسوا انا مش بخاف”.
وأشار :”انا هبعت من نفسي جواب للجهات الدولية اقلهم انا اكتر رئيس نادي حاصل عىل أصوات تفوق جميع رؤساء الأندية بما فيهم الأسطورة محمود الخطيب، وأنا لو راجل فاسد ميكنش عندى وفر في الميزانية كل سنة”.
وأضاف “مرتضى” في تصريحات لبرنامج “زملكاوي” على قناة “الزمالك” : ” بقول لعمرو الجنايني انت اللى فاسد كنت عامل صفقة للبنك بتاعك على المحلات الموجودة على سور نادي الزمالك وكنت عامل إيجار المحل الواحد بألف جنية بس فى السنة خلينا إيجار المحل ده 70 ألف في الشهر الواحد وانت اللى فاسد مش انا”.
وتابع :” بقول لأجهزة الدولة المحترمة انا كمان هروح ابعت للمؤسسات الخارجية اشمعنى انا اقعد ساكت وهما امال يبعتوا للجهات الخارجية برة، وبقول لمحمد بيومي خبير اللوائح حضرتك معرفتش تكتب الملف وبتقول من حق اللجنة الأولمبية توقف رئيس النادي”
وأتم :”وليه بتبعت للجهات الخارجية رغم أن القرار لسة مش نهائي ويمكن اطعن عليه ويتلغى، وده معناه ان دى تعليمات حسن مصطفى هو اللى وراء التعليمات دى بتحريض من تميم امير قطر”.
