هيثم عرابي لـ مرتضى منصور: ” من أعمالكم سلط عليكم.. انت أذيت ناس كتير” – فيديو
أكد هيثم عرابي مدير التعاقدات السابق بالنادي الأهلي، أن ما حدث مؤخرًا مع المستشار مرتضى منصور رئيس نادي الزمالك هو نتيجة أفعاله السابقة وتعديه المتكرر على الآخرين.
وكان مركز التسوية والتحكيم الرياضي قد أصدر قرار مؤخرًا ببطلان تعديلات لائحة نادي الزمالك وما يترتب عليها من آثار، بالإضافة إلى قرار المجلس الأعلى للإعلام بوقف برنامج “زملكاوي” على قناة “الزمالك”
وقال “هيثم” : ” رئيس نادي الزمالك هو المشكلة الحقيقة، وخلينا نتفق ان نادي الزمالك حاجة ورئيسة حاجة تاني خالص، وفيه ناس بتحاول تصور للجمهور فى الإعلام ان اللى بيحصل حرب على نادي الزمالك”
وأشار: ” الزمالك اكبر من كل اللى بيحصل والنادي عمره مايتهد، الزمالك ليه اسم كبير جدًا”
شاهد:
وتساءل هيثم :” مين اللى هيجارب نادي الزمالك، ده الوزير زملكاوي، والناس اللى ماسكة الكورة فى مصر زملكاوية، واللى ماسك اتحاد الكرة زملكاوي، والناس اللى فى الإعلام زملكاوية”
ووجه “عرابي” حديثة لمرتضى منصور رئيس نادي الزمالك، خلال استضافته في برنامج “نمبر وأن” على قناة “النهار” :” انت أذيت ناس كتير نفسيًا ومعنويًا، وأنا مش هنسي حالة ابويا وامي لما كان بيطلع فى التليفزيون يقولى يا تخين كل شوية”
وتابع:” نادي الزمالك نفسه معملش اى حاجة ومطلعش شتم حد، او غلط في عرض حد، او طلع غلط في حد، والزمالك يستحق أفضل من كده بكتير، وبقول لرئيس نادي الزمالك من أعمالكم سلط عليكم”
وواصل:” اللى بيحصل حاليا هو ده اللى حق اللى ناس كتير فضلت ساكتة عليه، ورئيس نادي الزمالك استغل القناة للدعاية عن الانتخابات، ومستحيل ده يحصل فى الأهلي”
