كشف إسماعيل يوسف عضو مجلس إدارة نادي الزمالك ان إدارة الفريق اتمت التعاقد مع ثلاث لاعبين خلال الفترة الماضية، مشيرا إلي أنه سيتم الإعلان عن الصفقات الجديد بعد نهاية بطولة دوري أبطال أفريقيا.
وقال “تيجانا” : تم التعاقد مع باك رايت وديفيندر وصانع العاب هيكون مفاجأةو مش معروف ومصري ييلعب خارج مصر ولاعيب كبير ومفاجاه بالنسبة لي ولسه فيه كلام مع راس حربة مصري قرب يخلص”.
وأضاف “تيجانا” خلال إستضافته في برنامج “زملكاوي” على قناة الزمالك:” عندنا فرقتين في القطاع يلعبوا في الفريق الاول وفي منهم هيتقيد افريقيا بعد الاعلان عن عدد القوائم الجديد بتواجد40 لاعب”
وتابع:” باتشيكو هو اللي هيحدد الراحلين وممكن حميد احداد يرجع وهو لاعب جيد وقدم موسم متميز مع الرجاء وهو بيلعب 9 وعاوز تاخدمنه 100 في 100″.
وواصل :” مصطفى محمد لاعب جيد وكلنا مبسوطين جدًا بمستواه وكان غصب عنه التفكير في الاحتراف وانا اتكلمت معاه واللي فرمله جمهور الزمالك والبطولة الافريقية”
وكشف : “مصطفى محمد جاله عروض رسمية من تركيا والسعودية وهو مركز جدا في الفوز بالبطولة علشان يحقق هدفه وامل جمهور الزمالك فيه”
وأتم ” تيجانا” :” هنعلن عن الصفقات بعد البطولة مباشرة وحتى لو محتاجين حد 3 او 4 هندعمه مع قطاع الناشئين زي ماعملنا مع احمد عيد وهو اثبت وجوده وماشي كويس جدًا”.
