يرى طارق السيد نجم الزمالك السابق أن بطولة دوري أبطال أفريقيا تساوى الفوز بـ 10 بطولة من مسابقة الدوري العام الممتاز، مطالبًا لاعبي الفريق الأول لنادي الزمالك بضرورة حسم اللقب الغائب عن خزائن الفارس الأبيض.
ويستعد نادي الزمالك لمواجهة الأهلي يوم 27 الجاري على استاد القاهرة الدولي في نهائي أبطال أفريقيا.
وقال “طارق” : ” اتمنى الزمالك يكسب ويفوز ببطولة افريقيا بس عند مصر كل حاجه بتتركن لان الاهم هي صورة مصر واللاعبين كانوا مع بعض في المنتخب وكانت تصريحاتهم عن بعض جيده ولكن الجمهور مبيشوفش ده”
وأشار :” الجمهور حقه يقول ان يتمنى فوز فريقه ولكن الاهم صورة مصر ومينفعش هوجة السوشيال ميديا الموجودة”
وأضاف “السيد” خلال استضافته في برنامج “زملكاوي” على قناة “الزمالك” : الزمالك فنيًا أفضل في ناحية الهجوم وماتش الأهلي في نهائي دوري أبطال أفريقيا في منتهى الصعوبة”.
وتابع : “الماتش ده بـ4 بطولات بطولة افريقيا و سوبر أفريقي وكأس عالم أندية وديربي، ولازم كل لاعب يعرف ان الفوز بالبطولة هيوديك في حته تانيه خالص”
وتابع:”اللي لازم اللعيبة تعرفه مع احترامي للبطولات للي حصلوا عليها لكن بطولة افريقيا ماخدنهاش 2002 وتامر عبدالحميد عايش عليها لحد دلوقتي، وهي بطولة مختلفة عن البطولات اللي حصلنا علينا الموسم ده”.
وأتم “طارق” : ” كل الفرق المشاركة في البطولة دي مستعدة تخسر10 دوري لكن تفوز بها وباذن الله يكون اللاعبين في أفضل حالاتها ولو ده حصل فالنتيجة لصالح الزمالك”
