عمرو أديب بعد سقوط مرتضي منصور “اللهَم لا شماته” ويوجه له هذه الرسالة – فيديو
أكد الإعلامي عمرو أديب أنه لن يشمت في خسارة المستشار مرتضى منصور رئيس نادي الزمالك في انتخابات مجلس النواب، على خلفية الخلافات القديمة الموجودة بينهما.
وخسر مرتضي منصور إنتخابات مجلس النواب رسميا بعد ان جاء في المركز السادس في ترتيب المرشحين بـ 21271 صوت في الدائرة التي تحتوي علي مقعدين من مقاعد مجلس النواب
وقال “عمرو” : “انا مش بشمت فى حد، دى مش أخلاقي، وعمرى ما دخلت في معركة ما حد مصاب أو متعور، انا دايما بدخل المعارك مع الناس وهما في قوتهم، ودخلت معركة مع مرتضى وهو فى كامل قوته”.
وأشار :” انا مش هشمت لان دى مش أخلاقى أو ترتبيتى ولا أنا من النوع اللى يجهز على حد وهو مصاب انا بحب المعركة يكون فيها فروسية”.
وأضاف “عمرو” خلال تقديمه حلقة جديدة من برنامج “الحكاية” :” عندي ملاحظة أن ما حدث كان مفيدًا، لان ناس كتير كانت بتسال هو الموضوع ده هيخلص امتى وليه مفيش نهاية للى بيجرى أو مفيش عقاب خاصة أن البعض كان لديهم قناعة أن مفيش حد يقدر يوقفه”.
وتابع:” الناس أدركت أن مفيش قوة مطلقة تقدر تضرب في الناس وتكسر فيها مفيش حاجة كدة، والنهاردة الصبح كان نهاية هذه النظرة للابد”.
وواصل :”ميت غمر دى بلد الأخلاق والجمال وبلد الشيخ الشعراوي، وانا سعيد جدًا أن الناس قالت كلمتها، وانا عارف أن ربنا دائما فوق الجميع ويجبلك حقك وانت قاعد”
وأتم :”نظرية أن فيه حد جبار انتهت والناس بتاخد قوتها من قوة القانون والمجهود وقوة وجودك وسط الناس على الأرض، وامبارح “أبى الله إلا أن يتم نوره”.
شاهد:
