هاني حتحوت يعلق على فضيحة المنتخب الوطني بسبب طارق مصطفي :” خطأ غير مقبول” – فيديو
كشف الإعلامي هاني حتحوت أن الجميع تفاجأ أمس الأحد بعدم قدرة سفر الكابتن طارق مصطفى المدرب العام للمنتخب الوطني مع بعثة المنتخب التى توجهت لتوجو استعدادًا للقاء المنتخبين غدًا الثلاثاء.
ونخلف الكابتن طارق مصطفى المدرب العام في جهاز المنتخب الوطني عن السفر مع بعثة المنتخب لتوجو بسبب عدم تمكنه من إنهاء إجراءات تجديد جواز السفر الخاص به.
وقال “هاني” :” بقالنا سنة كاملة مسافرناش ومتجمعناش، بسبب ظروف كورونا وإلغاء معسكر شهر أكتوبر الماضي”
وأشار:” فجأة بعد السنه دى كلها اتفاجئنا أن الكابتن طارق مصطفى جواز سفره منتهي، ولو الواحد مسافر الدولة اللى هي جنبه بيكون عامل حسابه ويجدد جواز السفر قبلها بشهور”
وأضاف هاني” خلال تقديمة حلقة جديدة من برنامج “الماتش” :” انت لما تكتشف لليلة السفر ان الجواز منتهي فده خطأ غريب جدًا ويوضح اننا محتاجين تركيز أكتر”
وتابع:” الطبيعى اللاعبين مش هيركزوا غير لو الجهاز الفني والإداري مركز والطبيعى اننا نطالب اللاعبين بالتركيز لكن الجهاز الفني والإداري الطبيعى انه عايش مرحلة التركيز من بدري”
وتساءل “حتحوت” :” ليه نوصل لمرحلة ان الكابتن طارق مصطفى يكتشف انتهاء جواز سفره لليلة السفر وده بيخلى الناس تقول ان فيه حالة تشتت والناس اللى قلقانه تقلق أكثر”
ووجه “حتحوت” رسالة للجهاز الفني للمنتخب قائلا :” لازم توصلوا رسائل طمأنة للناس اللى مش مرتاحة لمستوى الأداء اللى ظهر عليه المنتخب خلال الفترة الأخيرة”
شاهد:
هاني حتحوت يكشف كواليس “أزمات” معسكر منتخب مصر في مباراة توجو.. ويوجه رسالة نارية: كلكم أسماء كبار لكن عايزين شوية تركيز.. لازم تنشفوا شوية يا رجالة 🔥💣#الماتش #صدى_البلد@HHathout pic.twitter.com/xNt6npiMl6
— صدى البلد (@baladtv) November 15, 2020
