حرص الكابتن أيمن يونس رئيس اللجنة المشرفة على لجنة الكرة بنادي الزمالك على توجيه رسالة هامة لمحمود الخطيب رئيس النادي الأهلي، موضحًا أبرز الملفات المتعلقة بلاعبي الفريق الأول لكرة القدم بالنادي.
ووجه “يونس” رسالة لمحمود الخطيب رئيس النادي الأهلي قائلا :” بقول للخطيب محتاجين نغير تفكيرنا ومحتاجين نعرف اننا بنلعب كره بس واتمنى المنافسة في الملعب بس”.
وأشار:” أنا هحافظ على ناديه وهو هيحافظ على ناديه ولازم نلتزم بالاخلاق متطلبش مننا نلتزم وهما ميلزموش عاوزين العدل ومش عاوز تمييز”.
وأضاف خلال استضافته في برنامج “ملعب أون” على قناة “أون تايم سبورت” : “دوري الحماية ونقف ضد كل حاجه مش عجبنا ومش هنسيب حق نادينا بالجلوس على ترابيزه مش بالخناق علشان لما اتخانقنا شكلنا كان وحش مسئوليتي الحفاظ ع الزمالك وحقوقه”
وتابع :”احنا بنمد ايدينا علشان لما غلطنا شكلنا كان وحش لحنا للي سببنا نشامل. كان شكلنا حلو فى نهائي افريقيا وعايزينه يستمر لازم، نجدد علاقتنا ببعض”
وواصل :” لن أوافق على إحتراف مصطفى محمد في دولة، معينة ولو بـ 10 مليون يورو، وصالح جمعة لاعب كويس اوي ولكن مقدمش حاجه مع الاهلي علشان ينضم للزمالك”
وعن موقف إعتزال محمود عبد الرازق “شيكابالا” قائد الفريق الأول لكرة القدم بالنادي قال “يونس” :” لما شيكا يقول عاوز اعتزل هخليه بعدها سنتين تلاته كمان ،وشيكابالا حتة الماظه جوه الزمالك ولازم نحافظ عليها”
وتابع :” شيكابالا بالنسبة لي واحد يمتلك جينات للزمالك على مدار تاريخه مهاري أوي وممكن يعملك حاجه متتوقعهاش ولن نقبل أي اساءة له لانها اساءة لينا وكان نفسي في بيان الأهلي انهم يقولوا احنا بنتصل من أي إساءة لشيكا، ولو كنت مكانهم كنت هقول كده فكرة أن حد عاوز يهد الزمالك ويأذيه مش موجود جوه دماغي”
وعن موقف ضم أمير عاجل أوضح “أمير عادل جاي بكره نادي الزمالك وباتشيكو المدير الفني هو اللي يحدد موقفه معانا وملتزمين نوفر لباتشيكو كل حاجه زي ما اسماعيل يوسف وامير مرتضى وفروا للراجل كل حاجه وهو إللي فكر نأجل الصفقات للمرحله الجايه ومش هتأخر عن الفريق”
