يرى أحمد سليمان عضو مجلس إدارة نادي الزمالك السابق، أن قرار وزارة الشباب والرياضة بإعطاء مهلة سنة للجنة المكلفة بإدارة شئون النادي سيعطى للجنة فرصة للعمل بشكل جيد خلال الفترة المقبلة.
وكانت وزارة الشباب والرياضة أعلنت أمس الأحد عن حل مجلس إدارة نادي الزمالك برئاسة المستشار مرتضى منصور وتعيين لجنة جديد لتسيير أمور النادي لمدة عام او لحين الإنتهاء من التحقيقات مع المجلس القديم.
وقال “أحمد سليمان” : حزين أن الأخبار تطلع أنه تم حل مجلس الزمالك وأن هناك مخالفات في الاخر ده بيتنا، واللي يهمنا حاليا استقرار نادي الزمالك ولازم يكون”
وأشار :”الوزير واضح ويقول المجلس ده هيقعد سنه لحد الانتخابات مش انتهاء التحقيقات، وفي الآخر الجمعيه العموميه هتقول كلمتها ولازم نوفر استقرار للفريق”.
وأضاف “سليمان” خلال استضافته فى برنامج “أوضة اللبس” على قناة “النهار” تقديم الإعلامي “أحمد حسام ميدو :” بطالب اللجنه اللي موجوده حاليا لو مش قادر قول مش قادر وهيجي ميدو وحازم وناس تقدر تدير ومحدش يقول حاجة صعبة الموضوع مش بالاجبار اللي قادر يساعد يقول واللي مش قادر يعتذر”.
وتابع :” لو نجحت في الانتخابات الماضية، كانت لدي خطة جاهزة لرفع عدد فروع نادي الزمالك الي 8 فروع”.
وأوضح :”عايز أوضح حاجه هو ليه حاليا جيه 3 مستشارين يديروا النادي لان المستشار مرتضى منصور عمل لائحة بتقول كده والوزير طبق اللائحة بتاعه مرتضى منصور”.
