أكد الكابتن أيمن يونس المشرف العام على لجنة الكرة بنادي الزمالك، أنه اللجنة تلقت عدد من التهديدات خلال الفترة الماضية، مشيرا إلي أن اللجنة الحالية تعمل على إنجاز العديد من الأمور الهامة التى تتعلق بفريق الكرة
وقال “أيمن يونس” : “الاعتماد الرسمي للجنة الكرة لم ينتهي والاسماء التي أعلنت ممكن تغييرها وليست بهذا العدد وانا لحد الآن رئيس اللجنة ولو جه حد اكبر مني سيصبح رئيسها وكلنا بنشتغل لخدمة نادينا”.
وأشار :”تم فصل أشرف قاسم وعبدالحليم علشان محدش يهاجمهم ولجنة الكرة هي المسئولة عن التعاقدات وقولنا ان باتشيكو هو المسئول والناس بتضايقنا لكن احنا أقوياء وهنحافظ على الزمالك ومش هيقع ولايهتز، وتلقينا عدد من التهديدات خلال الفترة الماضية، ووصل الأمر إلى التهديد بالقتل من قبل البعض”
وأضاف “يونس” عبر برنامج “زملكاوي” على قناة “الزمالك” : “الزمالك فيه فلوس وبخير ونادي غني الإعلانات بتدخل له فلوس والبث وبشئ بحسن الإدارة نقدر نتجاوز أي أزمة وقلبي وجعني مقدرتش ادخل أي لاعب أقل من مستوى الموجودين”
وتابع :”هنرجع مصطفى فتحي لمستواه هنرجع حبة الكريز وهنراضي أوباما وهنعطي مصطفى محمد عقد بقيمته علشان يقعد وهو راضي ومقتنع”
وواصل :” مش هقدر ادخل أي لاعب إلا لما كل اللاعبين تاخد حقوقهم ومش هسمع لحد ويقولك جيبه دكه لا أنا مش هقدر الا باللاعبين دولية وعندنا فرقه الله اكبر عليها تليق باسم الزمالك”
وأتم :”عاوزين عدل ونهدى ولازم يكون في عدل داخلي في الفريق عشان نقدر ناخد بطولات علشان تبذل اقصى مجهود، وخسرنا المستشار محمد عطية وزملكاوي مجتهد”
