أيمن يونس : مين الزملكاوي اللي هيوقع الزمالك والجمهور عمره ما كان كده ولازم يفهم الحقيقه

نفى أيمن يونس المدير التنفيذي للجنة الكرة بنادي الزمالك حدوث أى خلافات داخلية بين أعضاء لجنة الكرة بالنادي، مشيرًا إلي أن اللجنة تسعى لإنهاء العديد من الملفات المتعلقة بفريق كرة القدم.

وقال “ايمن” : “قالوا فيه خلاف بينى وبين فاروق جعفر، وبقول عيب مش هيحصل خلاف، احنا فى وقت صعب ومش هيحصل أي خلاف بين أعضاء اللجنة أو رموز الزمالك، وعلاقتنا باللاعبين على أعلى مستوى، وبنتكلم علشان نخلى النفوس تكون سوية”.

وأشار :” عاوزين نبدا موسم قوى يبقى لازم نبعد أى كلام سلبي عن فرقة كرة القدم بالنادي، والفرقة بعيدة عن أي مشاكل”.

وأضاف “يونس” خلال تصريحاته لبرنامج “زملكاوي” على قناة “الزمالك” :” احنا جوة نادي الزمالك بقالنا 6 ايام وقالوا اللجنة الجديدة لازم تعمل صفقات جديدة اللى المفروض يتم التحضير لها من سنه فاتت”.

وتابع :” الجهاز الفني طلب يشوف أمير عادل في الملعب، والناس اختلفت على البند ده، وأحمد الشيخ باتشيكو قال عليه انه ممكن يحتاجة لكن عضو من اللجنة طلعت قرار برفض التعاقد معاه”

وواصل :” احنا كالجنة كورة بنحاول نعزل فرقة الكرة عن أي مشاكل، ملتزمين تجاه التجديد ساسي وبن شرقي، واللاعبين نحافظ عليهم ونحاول نديهم حقوقهم كاملة علشان نحافظ عليهم”

وأكمل “يونس” :” اسلتمنا حاجات فوق الطاقة والحمل وبنحاول نعدى بالملفات دى، وعايز اعرف مين الزملكاوى اللى ممكن بيحاول يوقع نادي الزمالك، وعمر جمهور الزمالك ما كان بيسعى أنه يوقع النادي بالعكس الجمهور دائما هو المساند الأول للفريق”