أيمن يونس: نسعى للتعاقد مع لاعب سوبر الفترة القادمة… ويعلن إعارة حارس الفريق للإسماعيلي
كشف الكابتن أيمن يونس المشرف على لجنة الكرة بنادي الزمالك أن الفريق يسعى للتعاقد مع صفقة سوبير خلال الفترة المقبلة، مشيرًا إلى أنه سيتم إعارة محمد صبحي حارس الفريق للإسماعيلي لمنحه فرصة المشاركة قبل الأولمبياد.
وقال “أيمن يونس” :” بنجهز لاعب سوبر للمرحلة القادمة لانه محتاج ميزانيه عاليه لان الموارد الماليه اللي هتجيلي هتحافظ على الفريق وده الأهم ومينفعش اضيع الفلوس إلا في المظبوط”
وأشار :”حمزة المثلوثي لاعب جيد ولكن محتاج فترة لتجهيزه، وأشرف روقا إصابته عنيفه والدكتور لم يؤكد لي اصابته بالصليبي، إزاي أحمد فتوح ده كان هيضيع منك وكان رايح إنبي”
وأضاف “يونس” خلال استضافته في برنامج “زملكاوي” على قناة “الزمالك” :” الزمالك أمانه وهحافظ عليه وانا واضح وهلتزم بالصراحة الكاملة أمام الجماهير التحدي الأكبر الحفاظ على مصطفى محمد وتعديل عقده والحفاظ على الفريق وتعديل العقود”
وتابع :” هنجدد لأوباما وتعديل عقد شيكابالا وفتوح و وجنش، وممكن محمد صبحي يعار لانه عاوز يلعب في الاوليمبياد وانا متعاطف معه والإسماعيلي طلبه ووعدونا بانه يلعب وسعفان الصغير تكلمنا معه”
وأعلن “يونس:” : “سيتم إعارة صحبي للإسماعيلي علشان أضمن أنه هيلعب ويشارك في الأولمبياد وهو حالة إنسانيه ومحمد عبد السلام مستحيل أوافق على رحيله
وواصل :” رزاق سيسيه ميستابش وعنده نضوج ومؤثر في أي مباراة وبيلعب على الناحيه اليمين والشمال ومكنش ينفع يتساب، و زعلان من مصطفى فتحي أوي فين جسمه ومحتاجينه يشتغل على نفسه ونجدد فرصك لانك لاعب مميز”
وأكمل :” محمد عواد مش وحش ومحتاجين منه شوية.صبر وحصل مشكله وزعل انه هيقعد احتياطي هنظبط، ونحل مشاكلنا وهبدأ موسم بنفوس كويسه، وممكن نتعاقد مع لاعب قبل غلق باب القيد، ولاعب مميز في فترة القيد في فبراير”
