كشف أيمن يونس المدير التنفيذي للجنة الكرة بنادي الزمالك كواليس تجديد اللجنة المعينة بالنادي مع رباعي الفريق ” شيكابالا، وجنش، وأوباما، وفتوح” خلال الساعات الماضية.
وقال ” يونس” :” بحي اللجنة اللي بتدير النادي كل الناس بتشتغل وكلام مهين للتشكيك فينا وفي زملكاويتنا هو هدفنا ايه احنا متطوعين وسبنا شغلنا وبيوتنا وبدون مقابل ونرد الجميل للزمالك والجمهور واللي بيفهموا فيهم بيدونا رسائل ايجابيه وفي ناس مرتبطة بالكيان”
وأشار :” تعاملنا مع شيكا ككابتن للفريق الجلسة مستغرقتش 5 دقايق وتعاملنا معه انه قائد وتم التوقيع معه بالفئة الأولى وهو تعامل باحترام ومضى على بياض قبل أي كلام عن المال”.
وأضاف ” يونس” خلال مداخلة على قناة ” الزمالك” :” كل اللي جددوا ولادنا وجنش محترم وهم بيتكلموا تحس انهم جمهور درجة تالتة وأحلامهم كبيرة وينتموا بجد للزمالك”
وتابع “يونس” :” عاوز اشيد باللاعبين الأجانب الموجودين، كلهم بصراحة عندهم ذوق وأدب، وكان فيه الفترة الأولى اللى حصل فيها اضطراب بين اللاعبين والإدارة اتكلمنا مع اللاعبين وفهمناهم الوضع”
وأتم :” صعب نسيب اى حد فى المرحلة دى، وبنسعى اننا نضيف عنصر أو اتنين، ومقدرش ادخل أي لاعب غير لما اضمن انى مسدد كافة المستحقات المالية الخاصة باللاعبين الموجودين، وفيه تفكير فى مجموعة من اللاعبين الموجودين وفق لرؤية مستر باتشيكو”
