كشف أيمن يونس المدير التنفيذي للجنة الكرة عن كواليس مفاوضات إدارة نادي الزمالك مع الثنائي فرجاني ساسي ومصطفى محمد للبقاء مع الفريق خلال الفترة المقبلة.
وقال ” يونس” :” نادي الزمالك عيلة كبيرة وكلهم في مركب واحد، ومش عاوزين نستجعل الدنيا في موضوع فرجاني ساسي، وكلنا عاوزين فرجاني ساسي يفضل معانا، وبنشوف كافة الحلول المرضية لجميع الأطراف واللجنة المادية بتفكر في كافة الحلول ”
وأضاف “يونس” خلال مداخلة مع برنامج ” زملكاوي” على قناة ” الزمالك” :”كل الأرقام اللى طلعت دى أرقام راحت وجت، وفى الاخر هنتفق احنا وفرجاني على البقاء فى الزمالك برقم يناسب نادي الزمالك ويقدر النادي يدفعه”.
وتابع :” من حق مصطفى محمد أنه يحترف، واحنا اتكلمنا مع مستر باتشيكو على توفير البديل، وده صعب حاليا، والفكرة اننا بندور على حلول بديلة، على الرغم من الرقم المقدم ليه ضعيف”
وأكد “يونس” :” ياريت لو مصطفى يصبر لما بعد الأولمبياد حياته هتتغير تماما، واحنا اتكلمنا اننا ممكن نضيف بند في عقده يسمحلة بالإحتراف في حالة توفر رقم محدد”
وواصل :” الحديث أن مصطفى يتمرد على الزمالك كلام مبالغ فيه، وهو والدته تعبت شوية وهو جالة آلام في ضهره، لكن اللاعب لم يتمرد على الفريق ، وصعب نسيب اى حد فى المرحلة دى، وبنسعى اننا نضيف عنصر أو اتنين”
وأتم :” مقدرش ادخل أي لاعب غير لما اضمن انى مسدد كافة المستحقات المالية الخاصة باللاعبين الموجودين، وفيه تفكير فى مجموعة من اللاعبين الموجودين وفق لرؤية مستر باتشيكو”.
