رد إسماعيل يوسف عضو مجلس إدارة نادي الزمالك على تصريحات محمود عبدالمنعم “كهربا” لاعب النادي الأهلي والزمالك، والتى تحدث فيها عن عدم وجود “نظام” داخل غرفة ملابس نادي الزمالك، بجانب عدم حصولة على مستحقات مادية داخل الفارس الأبيض.
وكان “كهربا” قد صرح في ظهورة الأخير مع الإعلامي سيف زاهر على قناة “أون تايم سبورت” قائلا :” الفريق بين الأهلي والزمالك أن الأهلى فيه نظام عن الزمالك شوية وانا في الزمالك عادي تتأخر عن التمرين عشر دقايق أو حاجة لكن الأهلي لا، ومكنتش مقدر ماديًا وأنا في الزمالك.
ومن جانبه قال إسماعيل يوسف :” عندنا لائحة ولو مفيش نظام في الزمالك مكناش اخدنا بطولات وكنا بنطبق لائحة التأخير والجيل المستمر ده من 3 سنين”
وأضاف “تيجانا” خلال استضافته في برنامج “ملعب أون” على قناة “أون تايم سبورت” :” مفتكرش إن شيكابالا وجنش، وطارق تأخروا دقيقة عن المران خلال السنوات الماضية، وفي واحد مسئول عن موعد وصولهم ولو في ظرف طارئ بنسمح ليهم”
كما رد “إسماعيل” عن تصريحات “كهربا” فيما يتعلق بإستخدام “السحر” فى نادي الزمالك قائلا :”السحر مذكور في القرآن وجزء من الكلام ده كان مسرب داخل نفوس اللعيبة ومعظم اللعيبة معندهاش اعتقاد في الكلام ده وخرجنا اللعيبة من الكلام ده والولاد لما حسوا بطعم البطولات فالموضوع واقف على جهدهم وتعبهم”.
وتابع :” طريقه رحيل كهربا عن الزمالك صعبه أوي ولا تليق بينا ولو صريح ومعندناش مشكله انه يقول مش هقدر استمر كهربا طلع اعارة مرتين وكان في مشكلة اتحاد جدة كان طالبه بمبلغ والزمالك تنازل عن 200 ألف دولار كان هيتحملهم كهربا ومرتضى رفض انه يتحملهم وعقده مع الزمالك سليم 100% واحمد مجاهد أكد ده”
وواصل :” كهربا نسي أنه وقع على عقد ومدد عقده وكان بياخد مكافأت كبيرة 5 او 6 أضعاف وكان في المباريات المهمة كان مرتضى بيمنحهم 10 أضعاف المكافأة ومحدش كان بيسخن مرتضى عليه وكل واحد بيتحاسب على افعاله ومرتضى كان بيحبه وكان بيقوله يا بابا”.
وأكد “إسماعيل” :” اي حد يكون في مكان يحترم المكان اللي فيه قبل ما ينتقل للأهلي واللي مالوش خير في الماضي مش هيبقى له خير في الحاضر”.
وأتم :والوحيد اللي كان من الاهلي يلعب في الزمالك هو عبدالله السعيد وكنا محتاجينه، واحنا اخدنا من الاهلي مين؟؟ واحنا بناخد احتياجاتنا فقط ومبنجبش لاعب مش محتاجينه”
