شهدت حلقة “مساء أون” على قناة ” أون تايم سبورت” تقديم الإعلامي ” أحمد شلبي” مقدمة نارية من قبل شوبير، حيث هاجم من خلالها المهندس هاني أبوريدة رئيس اتحاد الكرة السابق، على خلفية القرارات التي أصدرتها اللجنة الثلاثية بالاتحاد برئاسة المهندس أحمد مجاهد.
وقال “شوبير” : فجأة وبدون سابق إنذار سمعنا عن مجموعة من قرارات الإلغاء، ومش فاهم كل ده اقل من 10 ايام، وفيه استيكة كده بيمسح بيها كل قرارات اللجنة الخماسية”.
وتساءل ” شوبير” :” هل الفار كل ده كان بخ، اه فعلا فيه اخطاء بس ده بيحصل في العالم كله، وحضرتك بتخدم مين أو بتعمل لصالح مين، وياريت يكون فيه بيان يوضح للناس ايه الموضوع”.
وأضاف ” شوبير” فى مقدمة نارية لبرنامج ” ملعب أون” على قناة “أون تايم سبورت” :” كيف يدار اتحاد الكرة، هل يدار من اكتوبر أو من اتحاد الكرة، أو منين وحضرتك لازم تساند وتساعد الكرة المصرية”.
وتابع :” قولتلكم القرارات هتبقى احادية ومنك لله ياللي في بالي، والحمدلله اطمنت على السايس اللي قدام الاتحاد لسه موجود، ولا الأمن لكن في ناس تانية ماشية وكل قرارت اللجنة الخماسية يتم الغاءها ومن فضلك الغي الكرة الموحدة”.
وأكد :” احنا استجبنا لنداء هاني أبو ريدة للاستقاله بعد الفشل وترجع تاني نفس الوجوه وتبقى منفرد، وتمشي ناس وتلغي ڤار”.
وسخر ” شوبير” :” اغنيهالك زي أم كلثوم ازاى ياحبيبى ازاي وبعد ما اللايحة تمام عاوز تعدل فيها لييه، ومينفعش الكرة المصرية تدار بهوى شخص، طب حول اللجنة الخماسية للنيابة مادام قراراتهم غلط، وده الوزير كرمهم”.
شاهد :
