الشيخ يكشف حقيقة تصريحه المسيئ ضد الزمالك !! الزمالك فاوضني ورب العرش نجاني !! – فيديو
كشف أحمد الشيخ لاعب نادي بيراميدز حقيقة تصريحه المسيئ ضد نادي الزمالك، مؤكدًا أنه لم يدلى بأي تصريحات تهاجم نادي الزمالك أو جماهيره الكبيرة خلال الفترات الماضية.
وكانت جماهير نادي الزمالك رفضت فكرة انضمام أحمد الشيخ للزمالك مع بداية فترة الإنتقالات الماضية بسبب تصريح قديم له قال فيه ” الزمالك فاوضني ورب العرش نجاني”
وقال “الشيخ” :” اقسم بالله العظيم عمري ما قولت التصريح اللي كان بيتردد ده نهائيا ووقتها رفعت قضيه على الشخص اللي نشر الحوار بأسمي وعمري ما عشان بلعب في الاهلي اني استفز أو أهاجم جماهير نادي الزمالك”
وأشار :” اتحدى أي حد يطلعلي تصريح صوت أو فيديو أو كلام على بروفايلي اني قولت حاجة زي دي نهائيا”
وأضاف ” الشيخ” خلال استضافته في برنامج ” اللعيب” مع الإعلامي ” مهيب عبد الهادي” :” للاسف بيبقى في ناس ليها أغراض شخصية عشان ينشر الكلام ده مش بتكسف من انتمائي للزمالك وأنا حاليا مش زملكاوي لاني بقيت لاعب محترف وانا صغير كنت أهلاوي جدا وعائلتي أهلاويه وخالي زملكاوي”.
وتابع :” لما كابتن حسام وإبراهيم راحوا الزمالك حبيت الزمالك جدا وقتها وده محدش كان يعرفه وكان نادي الزمالك وقتها كان في نجوم كبيرة كنت بحبها جدا كابتن حازم إمام وكابتن عبدالحليم علي وبصراحه اتاثرت بيهم جدا وكنت من مشجعي نادي الزمالك”.
شاهد:
