تعادل الفريق الأول لكرة القدم بنادي الزمالك مع مضيفه بيراميدز بهدف لكل فريق في اللقاء الذي جمع الفريقين مساء اليوم باستاد 30 يونيو بالدفاع الجوي ضمن منافسات الجولة الثانية بالدوري الممتاز.
ومن جانبه قال البرتغالي جايمي باتشيكو المدير الفني للزمالك : مباراة كبيرة ومنافسة من الفريقين كل اللاعيبة أدت على مستوى عال، والشوط الاول لم نكن منظمين ولم نؤدي بشكل جيد رغم اننا مسبناش بيراميدز يخلق فرص لكن مكناش افضل في الشوط الاول”
وأشار :” عدلت بعض الأمور في الشوط الثاني وبدأنا بشكل كويس وتراجعنا في وقت مكانش ينفع يرجعوا، أتكلمت عربي وقولت اطلع اطلع لكن واضح ان اللاعيبة مفهمتش كلامي بالعربي”.
وأضاف في المؤتمر الصحفي للقاء :” بعد هدف بيراميدز رجعنا تاني وقدرنا نتعادل واضعنا الفوز مش قادر اجدد النتيجة عادلة ولا لأ، وعندنا لاعبين على مستوى عال وبنستغل قدرات اللاعيبة وعدم مشاركة شيكابالا النهاردة عشان هو بيبقى افضل لما بيبقى في مساحات ومعندناش فرق بين اساسي واحتياطي”.
وعند سر غياب أوباما عن اللقاء قال “باتشيكو” :” أوباما لسة راجع من فترة غياب وشارك في ٣ تدريبات فقط ولسة محتاج شغل بدني ، وبعض الباكات بيبقى عندها مشكلة انها لما بتتقدم مبيبقاش في مساعدة من الوينج في الدفاع وده اللي حصل مع حازم عشان كدة كان في هجمات علينا من ناحيته”
وتابع :” الشوط الاول المساحات كانت مقفولة وفضلت الدفع بشيكابالا في الشوط الثاني لما يبقى في مساحات ، وقولت للاعيبة لازم تبقوا جاهزين دائما للمشاركة في اي وقت”.
وأكمل “باتشيكو” :” في الشوط الأول كنا بنعمل ضغط على حارس المرمى والمساكين بس مش بطريقة مظبوطة الضغط من الامام كان بيتم من الرباعي الهجومي وبيسيبوا مساحات خلفهم، وفي فرق بتجبرنا في بعض الاوقات دفاعيا عشان عندهم قدرات هجومية كويسة”
