كشف حازم إمام نجم نادي الزمالك عن رد فعل لاعبي نادي الزمالك من واقعة تسريب عقود لاعبي الفريق الذي تكرر خلال الفترة الماضية من قبل بعض المواقع الإخبارية.
وقال ” حازم” :” واخد حقي طبعا في الزمالك، واه زعلت شويه لما تأخروا في تجديد عقدي لكن النتيجة انك قاعد في النادي ومجدد سنتين و أمنية حياتي أنهي مشواري في الزمالك وكان نفسي اجدد أكتر من كده”.
وأشار :”عرفنا اللعيبة زمايلنا بتاخد كام من الإعلام ومش من حقك تسال ودي حاجه تزعل ليه بيحصل معانا كده ومعرفش ليه ودي بلبلة وتثير الرأي العام ليه الزمالك بالذات ودي مش شفافية”.
وأضاف ” حازم” خلال استضافته في برنامج ” اللعيب” مع الإعلامي ” مهيب عبد الهادي” :” اللعيبة اللي عقودهم اتسربت زعلوا جدا وقالوا اشمعنى انا، وانا اللي مقصود عواد وزيزو زعلوا جدا”
وتابع :” أنا مضيت وموافق ومليش دعوة باللي بياخده زميلي ولسه عقدي هينتشر وطالما وقعت يبقى راضي باللي فيه وهي كده كده فلوسي هاخدها
وواصل :”عاوز ينشر عقدي اتفضل لكن هي انسانيا واللي في ايده عقد عواد وزيزو في ايده باقي العقود، وطول مانت بتلعب في نادي جماهير هتلاقي شائعات وبالذات لو المنافس قوي أعلاميا واللي شوفته بعد رحيل المجلس ظهر ضعفنا إعلاميا”
وأكمل ” حازم” :” وفي اعلاميين مش بتوع كره شبهونا بدول انهارت المهم هو النادي وفي ناس بتفرح باللي بيحصل في الزمالك مش هذكر اسامي والناس كلها عارفه ومينفعش نصفي حسابات وفي ناس زملكاويه بالاسم بيصفوا على حساب النادي انا بحب الزمالك”.
وأتم :”عاصرت مجالس انتقالية ومؤقتة وهمي وشغلي الشاغل كان الزمالك في استقرار في الزمالك منذ المجلس السابق”.
