حازم إمام: مباراة الأهلي كانت نقطة تحول في مشواري مع الزمالك .. وهذه رحلة صعودي مع الفريق

حكى حازم إمام نجم نادي الزمالك كواليس رحلة صعوده مع الفريق الأول لكر القدم بنادي الزمالك مشيرًا إلي أن الكابتن محمود أبو رجيلة هو أول من صعده للفريق الأول.

وقال ” حازم” : “دخلت الزمالك من سنين و فاكر اليوم ده كانه إمبارح وكان زمايلي أحمد الميرغني وعلاء علي”.

وأشار : “أول من صعدني للدرجة الأولى محمود أبو رجيله وسامي الشيشيني رشحوني لـ أحمد رمزي وأنا عندي 19 سنة واتفرجت على ماتش قمة، وكنا خسرانين 3/0 الشوط الأول ، وخلص الماتش 4/3 للزمالك وأول لما الماتش خلص لقيت ورقة جايه بتصعيدي أنا وعلاء علي والميرغني”

وأضاف ” حازم” خلال استضافته في برنامج ” اللعيب” تقديم الإعلامي ” مهيب عبد الهادي” :” أول ماتش هلعب فيه مباراة بني عبيد اللي الزمالك خسره وكانت صدمة وفرحت بعدين لكن يومها زعلت بسبب عدم المشاركة للإصابة”.

وتابع :” أول ماتش لعبته مع الإسماعيلي والكهربا قطعت في الاستاد أول لما نزلت الملعب وخسرن ا1/0 وبعدها كابتن أحمد رمزي كان بيشاركني”

وواصل ” حازم” :” ماتش الأهلي كان نقطة تحول وكنت داخل أن جيلبرتو مخلص 7 باكات عندنا وأنا هبقى الـ8 ومرعوب بصراحة وربنا وقفني وعديت منه على خير وكنا ماسكين كرة وكنت انا اللي باروح له ولما خرج انا حسيت ان جبت حول”.

واستطرد :”جمهور الزمالك كان بيشجعني ومستغرب انا عملت ايه وكنت بقعد ابص له انت هتعمل ايه النهارده وكنت خايف يبطلني زي الـ7 اللي قبلي واول لما قطعت اول كره بدأت الثقة اكتسبها لاني كنت برده 19 سنة”.

وأتم :”أحمد حسن في الماتش ده زقني وقالي ابعد عنا بقى تعبتنا وروحت معه المنتخب بعدها معه ومكنش بيكلمني وكل المنتخب مع كابتن حسن شحاته كان اهلي وكنت خايف اكلمه وهو الكابتن ولما الزمالك كنت اتمنى اتعامل معه من زمان لانه اسطورة ولاعب كبير”.