كشف الإعلامي خالد الغندور مقدم برنامج “زملكاوي” أن لجنة الكرة بنادي الزمالك حددت شروط إحتراف مصطفى محمد مهاجم الفريق الأول لكرة القدم بنادي الزمالك.
وقال ” الغندور” :” انا كخالد الغندور رافض فكرة أي لاعب مهم يمشي ومصطفى محمد لانه صعب تعويضه بنفس قيمة الفنية، وجمهور الزمالك عاطفيا رافضين رحيل مصطفى محمد وده نابع من حب للنادي”.
وأضاف “الغندور” خلال تقديمه حلقة جديدة من برنامج “زملكاوي” على قناة ” الزمالك” :” بعدها جاله عرض من نادي سانت إتيان الفرنسي بقيمة 2 ونصف مليون دولار أي ما يوازي 40 مليون جنيه مصري والزمالك رفض العرض ومصطفى مُصر وتم رفع العرض لـ 3 ونص مليون دولار”.
وتابع :”مصطفى من 3 أو 4 أيام بينزل جزء من التدريب وبعدها بيروح الحيم لان عنده كدمة وبيجي النادي وده بيأدي انه يكون خارج مباراة سموحة،والوكيل اللي جايب له العرض بيقوله يوم 6 يناير هتلعب أمام باريس سان جيرمان ولو الزمالك وافق”
وأكد “الغندور” :” الزمالك عنده اهم لاعب مصري يجيب ليه فلوس سنه وقدراته وقيم اقل حاجه هبيعه بها 6 مليون دولار أو 5 مليون يورو أوفلوس في إعادة البيع”
وأتم :”جه عرض جديد من سانت اتيان وصلوا المبلغ لـ4 مليون دولار الزمالك لن يبيع مصطفى محمد حتى لو كانت رغبته انه ينسي بهذا المبلغ واقل حاجه يفكر بها الزمالك هو 6 مليون دولار يبدأ يفكر ونسبة من إعادة البيع”.
