خالد الغندور في مقدمة نارية : لا أتقاضى أجر من الزمالك … وهذا ردي على من يتهموني بالنفاق – فيديو
أشاد الإعلامي خالد الغندور مقدم برنامج “زملكاوي” على قناة “الزمالك” باللجنة المعينة لإدارة نادي الزمالك بعد تجديد عقود رباعي الفريق خلال الساعات الماضية.
ونجحت اللجنة الحالية في تجديد عقود كل من محمود عبدالرازق “شيكابالا” و محمود عبد الرحيم ” جنش” ويوسف أوباما و أحمد أبوالفتوح.
وقال ” الغندور” : “اللاعبين اللى جددوا عقودهم هيصرفوا مقدم العقود الجديدة الأسبوع الجاي، ولما كنت بساند اللجنة الحالية قالولي انت منافق وطبال انت مش كنت تبع مرتضى منصور”
وأكد ” الغندور” : “انا مش بدعم اشخاص انا بدعم قيادة الزمالك، واكيد انا داعم للمستشار مرتضى منصور عمل انجازات عظيمة، وهل مطلوب مني كزملكاوي اشتم اللجنة الحالية الموجودة دلوقتى”.
وأضاف ” الغندور” خلال تقديمه حلقة جديدة من برنامج ” زملكاوي” على قناة ” الزمالك” :” فيه ناس تطاولت عليا وعلى الكابتن أيمن يونس، وهل أيمن يونس وخالد الغندور، بعد سنوات العرق والبطولات مع نادي الزمالك هنكون متآمرين على النادي”
وتابع :”هل انا عاوز فرجاني ساسي ومصطفى محمد، يمشوا زى ما الناس بتقول، هل أنا أهلاوي”
وواصل : الغندور” :” انا اكتر واحد فى الدنيا عاوز ساسي يفضل معانا لاعب كبير ومهم بس القصة يفضل ازاى وبكام وهل عايز كام، وباتشيكو مكنش عاوز ياخد ساسي مباراة سموحة معاه لانه شايف انه مش جاهز بدنيا وفنيا”.
وتابع :”ميزان العدل يقول فرجاني ساسي ميلعبش مباراة سموحة، وفعلا باتشيكو حب يقر مبدأ العدالة وقال مينفعش اللى كان مش بيتمرن يلعب و اللاعيبة اللى موتت نفسها في التدريب متلعبش”
وواصل :” قناة الزمالك بتحب النادي ودايما في تواصل مع المسئولين في النادي لاننا مصلحتنا واحدة واللي ببقدم االبرنامج هوكابتن الزمالك دانا بحب الزمالك اكتر منك انا مبقبضشمن النادي بقبض من شركة اعلان المصريين وعمري ما اشتغلت في النادي وانا معتزل من 15 سنة”
وأتم :” بحزن لما لاعب كرة يشتم الجمهور لانه هو اللي عملنا وليه الجمتور يشتمنا ولازم يكون عندك.ثقة فيه انت عارف اللعيبة عاوزه ايه ولاطلباتها ايه، واللي يحزني ان زملكاوي يفكو تفكير سئ فينا وعاوزين مصلحته”
شاهد:
