خالد الغندور يفضح مجلس الخطيب بعد تأجيل القمه بين الزمالك والأهلي – فيديو
علق الإعلامي خالد الغندور مقدم برنامج زملكاوي على قناة الزمالك على قرار تأجيل لقاء القمة بين الزمالك و الأهلي في الدوري.
وقررت اللجنة الثلاثية في اتحاد الكرة اليوم تأجيل لقاء القمة بين الزمالك و الأهلي والذي كان مقررا له الإثنين القادم.
وقال “الغندور” : “الكل من كام يوم كانوا بيقولوا القمة هتتاجل عشان قفشه والسوليه وموسيماني اتصابوا بكورونا”
وأشار :” امبارح اتصاب طارق حامد ومحمود علاء اتصابوا بفيروس كورونا وكان قبلها اسامة فيصل مصاب مع المنتخب”.
وأضاف “الغندور” خلال تقديمه حلقة جديدة من برنامج زملكاوي على قناة الزمالك :” جماهير الاهلي قالت ده التأجيل عشان الزمالك، والغريبه ان الماتش السنة اللي فاتت كان في الأسبوع الرابع والموسم ده كان الأسبوع الرابع برضوا”
وتابع:” الاهلي وقتها كان رافض التأجيل بشكل قاطع وقالوا ان مرتضى منصور هو اللي عايز يأجل واصدروا بيان الموسم الماضي باعتراضهم على قرار الأمن”.
وواصل :” جماهير الزمالك والاهلي بيرموا ان كل طرف هو اللي عاوز التاجيل وطلع احمد مجاهد قال مفيش تأجيل”.
وأكمل :” الاهلي الموسم الماضي اصدر بيان بعد تأجيل مباراة القمة وقال انه يثمن دور الامن وخاصة في تامين بطولة افريقيا بالاضافة لتأمين مباريات الاندية المصرية في افريقيا ويرى الاهلي ان الامن لديه القدرة على التأمين وان الاهلي يحترم راي الامن ولكنه يرفض ماحدث وخاصة مبدا تكافؤ الفرص ويرفض خوض اي مباراة قبل مباراة الزمالك”
واستطرد “الغندور” : “دي مبادئ الاهلي وانه مش فاهم الامن بيأجل ليه، وده بيودينا لقناة الاهلي وهجوم عدلي القيعي عليه لما اتكلمت على مبدا تكافؤ الفرص ما يعيب خالد الغندور هو مطالبته بتحقيق، مبدا تكافؤ الفرص وان ليه الاهلي ميلعبش في المحلة في حين الزمالك لعب مع طنطا العام الماضي في المحلة،”
وأتم :”قولت ان الاشتراطات الامنية هتكون ف مباراة الاهلي بس وهيلعب بعد كده على ملعبه وفعلا حدث وحصلوا على موافقات الامن على اقامة مباريات المحلة على ملعبه”
شاهد:
