رئيس المنظومة الإعلامية في الزمالك يكشف الموعد النهائي لإعلان تجديد تعاقد ساسي وأوباما
كشف الكاتب الصحفي عصام سالم رئيس المنظومة الإعلامية بنادي الزمالك عن الموعد النهائي لتجديد عقد الثنائي فرجاني ساسي و يوسف أوباما.
وقال ” سالم” :”الملفات المتأخرة كلها هتخلص على الأسبوع المقبل وهيكون فيه حالة من الاستقرار كبيرة والأسبوع المقبل هيتم التجديد لفرجاني ساسي ويوسف أوباما خلال يومين هيتم توقيع العقود ويبقى أوباما كابتن من كباتن الزمالك”.
واشار :”المواضيع متأخره بسبب الفلوس لانها ملايين كثيره جدا ولوجمعنها الأمور كلها هتتحل وكل ده مرتبط بتحميع الفلوس والوزير يدعمنا لا أكثر ولا أقل لانه يهمه استقرار الكيان لانه بيمثل دوله لانها حريصه على الزمالك وده مطلب اساسي من غير الزمالك مفيش اهلي والعكس وده مهمة الدولة”
وأضاف “سالم” خلال مدخلة مع برنامج ” اللعيب” تقديم الإعلامي ” مهيب عبد الهادي” :” فرجاني ساسي حالة خاصة من اللاعبين القلائل اللي مش مشتكاش لما الفلوس اتأخرت وفي يوم اتسال انت مين قال من ميت عقبه وعبدالحليم علي قاله انه مهم جدا لدى الفريق والجماهير وهو مقدر ده”.
وتابع :” المساله الفلوس تتجمع الموضوع يتحل والأسبوع الجاي خلاص الأمر ينتهي وفي مساعي شغاله وهيستمر على الأقل لمدة سنتين ومفيش أي رجال أعمال تدخلوا في صفقة ساسي وبناشد المحبين انهم يترجموا حبهم الزمالك بالحفاظ على اللاعبين”.
وواصل “سالم” :” الزمالك لديه جيل من أفضل اللاعبين ولدينا لاعبين عرب اخواتنا وليسوا أجانب وهم على أعلى مستوى ونجحوا نجاح كبير ووصل الحب أن جماهير الزمالك شجعت تونس بسببه”
وأتم :”المستشار هشام.إبراهيم بيمارس عمله كرئيس للجنة لحين صدور قرار بتعيين مستشار ثالث”.
