كشف الدكتور محمد أسامة رئيس الجهاز الطبي لنادي الزمالك عن الموقف الطبي الخاص لثنائي وسط الفريق محمد أشرف روقا ومحمود عبد العزيز، بعد تعرضهم للإصابة خلال الفترة الماضية.
وقال “أسامة” :” روقا الناس كانت مستعجله على تشخصيه وباختصار هو حصله التواء ورجله ورمت وتاني يوم كان كويس وعملته أشعة رنين تاني يوم وظهر تقرير”.
واشار :”كنت شايف غلط وانا قولتله انا مبقرأش التقرير وانا مبعتمدش على أشعه رنين لازم الفحص والأشعة والشكوى من اللاعب وانا قولتله هنعيد الاشعة وافحصه وفعلا عملنا اشعه تانيه واظهرت مفيش رباط صليبي”.
وأضاف ” أسامة” خلال تصريحات لبرنامج ” زملكاوي” على قناة ” الزمالك” :” مش شرط يكون هناك ورم أنه تعرض لقطع في الصليبي ممكن كانت كدمة او جزع”.
وعن حالة محمود عبدالعزيز أوضح :” محمود عبدالعزيز لما أي لاعب بيعمل 3 صليبي بتاثر شويه في التأهيل واخدنا معاه وقت طويل علشان نقدر نرجعه وهو عنده قوة ومثابرة علشان يرجع وسافر ألمانيا وأصبح جاهز جدًا وبيشارك في التدريبات بقوة”
وتابع :” عبدالله جمعة وأوباما من الناحية الصحية حالتهم جيده لكن هما شغالين بدنيا لانهم غابوا فترة طويله أوباما بدا يشارك لكن عبدالله غاب اكتر فلسه بيتم تجهيزه بدنيا ومن الناحية الطبية هم جاهزين لسموحة لكن القرار فني”.
