أكد فوزي العريان المستشار بنادى الزمالك أنه تم إبلاغه من المستشار هشام ابراهيم نائب رئيس اللجنه المكلفه بإدارة النادي بإيقاف الكابتن طارق يحيى المشرف العام على قطاع الناشئين وإحالته للتحقيق لما بدر منه تجاه اللجنه في برنامج زمالكاوي المذاع على قناه نادي الزمالك.
وكان طارق يحيى مقدم برنامج زملكاوي قد هاجم أعضاء اللجنة المعينة لإدارة نادي الزمالك، وذلك بعد إصدار اللجنة بيان يوضح حجم الديونات التى على النادي للجهات الخارجية، مؤكدًا أن الأمور داخل الزمالك تشهد حالة من التخبط الكبير خلال الفترة الماضية.
وقال “طارق” : كل يوم من خلافات واستقالات وإعلان عن صفقات والتراجع عنها ومش قادر أفهم إيه اللى بيحصل في الزمالك، ليه تم التراجع عن الصفقات بعد موافقة باتشيكو واللاعيبه مضت على العقود وفى الآخر نرجع عنها”
وأشار :” اتفقت مع فرجانى ساسى على التجديد وحددت معاد موعد وفى الآخر نأجل الاجتماع، وكل يوم خناقات وتصريحات واستقالات وتخبط مش عارف فيه ايه، وجمهور الزمالك هو اللى بيدفع الثمن في الآخر وليه يسمع هذه الأخبار كل يوم، ولازم عندما تتكلم لازم تحترم عقولهم وأنا أسف مش لاقى تعليق غير اللى بقوله والله يكون في عون الجماهير”
وأضاف ” يحيى” خلال تقديمة حلقة جديدة من برنامج ” زملكاوي” على قناة “الزمالك” :” مش عارف إيه فايدة بيان اللجنة المؤقتة للزمالك وأنت عندك الدورى بعد بكرة، فلازم يكون فيه حكمة في الإدارة، المفروض كنت أجلت هذا البيان وأنت عندك ماتش مهم في بداية الدورى”
وتابع :”اللى مش قادر يدير نادى الزمالك يمشى، وأنا بقول كدة في قناة الزمالك وشغال في الزمالك، ولو مفيش اتفاق بينكم سيبوا الإدارة وامشوا ولازم يكون فيه تكاتف هذه الأيام مش كل يوم نسمع حاجة وعكسها”
وواصل :”اللجنة المؤقتة الحالية عملت صفقتين وفشلوا وإيه الصفقتين معمولين وخلاص متأشرين يعنى إيه الجول فاضى سجل بقى، مش عارف ليه نرجع فيهم وباتشيكو موافق”
