رد أحمد حسام ميدو نجم الزمالك السابق على هجوم جماهير الفارس الأبيض عليه خلال الفترة الأخيرة، وذلك على خلفية نشر مجموعة من الصور مع رؤساء الأهلي محمود الخطيب وحسن حمدي.
وقال “ميدو” : ” البعض قدر يقنع إلجمهور أن الزمالك والأهلي “فيه خناقة” بين الناديين، وهو أمر عارِ تمامًا من الصحة، الرياضة بتعلمنا الحب واحترام المنافسين قبل أي شئ”
وأشار :” البعض يحاول أن يأخذني في “خناقة” معه ولكنه لن ينجح، برنامج أوضة اللبس ليس لتصفية الحسابات، و كنت امتلك جميع الأدوات التي تمكنني من الهجوم على البعض لكن الموضوع بالنسبة لي انتهى”
وأضاف خلال تقديمه حلقة جديدة من برنامج “أوضة اللبس” على قناة “النهار” : انا كنت متعصب في الأول جدا لكن دلوقتي منختلف، وحبي للزمالك عمره ما هيقل أو ينتقص، وهناك من يحاول أن يزايد علي حب ميدو للزمالك ربما يكسب 5%، ولكن الجميع يعلم من هو ميدو ”
وتابع :” فيه ناس بتحاول تسخن الناس عليا وفيه ناس بتحاول تعمل حاجات تسخن عليا الناس اكتر، والناس لما كانت موجودة كنا بندعمها ونشيد بيها لكن اية الجرم اللى احنا عملناها علشان ده يحصل معانا”
وواصل :” هى خناقة هتفضل مكملة معانا ناس عاوزة تخلى مصر موجود فى حته التعصب وناس عاوزة تخلى الكورة الكورة بس والمحبة والاحترام يكونوا موجودين”.
ورد :ميدو” :”الناس بتقول انك بعت النادي!! بعت النادي في ايه؟، أنا راجل شغلتى اقول الحقيقة، وانا قولت مشاكل كتير قبل كده فى الناس الأهلى زى مشكلة صالح جمعة وكهربا”.
وواصل :” الشغل في قناة النادي غير العمل في قنوات عامة، وكل مكان ليه مدرسة إعلامية لازم تشتغل بيها، واقسم بالله مفيش مرة قلت كلمة هنا كان ليها غرض تاني”.
وأكمل :” أنا انتقد جميع الإدارات قبل كده بما فيهم الأهلى والزمالك وسموحة والاتحاد، ومفيش حد بيشتغل ضد بيته، ولو قلت خبر عندى يبقى انا راجل كده خاين، ولو نزلت صورة مع الخطيب راجل اسطورة وقد ابويا، ابقى خاين ازاى”.
