ميدو يحذر وزير الشباب والرياضة من غضب الجماهير ويوجه له هذه الرسالة -فيديو
وجه أحمد حسام ميدو نجم نادي الزمالك رسالة إلى الدكتور أشرف صبحي وزير الشباب والرياضة بضرورة إجراء انتخابات عاجلة داخل النادي، لتجنب الدخول في مشاكل إدارية وقضائية خلال الفترة المقبلة.
ووجه ميدو حديثة للدكتور أشرف صبحي وزير الشباب والرياضة قائلا :” بسأل وزير الرياضة، انت اخدت قرار بإيقاف مجلس إدارة الزمالك، وتم تعيين لجنة مؤقتة بناءًا على ايه على لائحة النادي التانية اللي تم تعديلها واللي بقول أن 3 مستشارين يديروا النادي”.
وأشار :” دي لائحة أقرتها الجمعية العمومية، وممكن تترفض في المحكمة لأن فيه طعن عليها وممكن تتلغي، ولو اللائحة دي تم قبول الطعن وأصبحت اللائحة دي باطله يوم و21 هتبقى اللجنة اللي اتعينت باطلة”
وأضاف “ميدو” خلال تقديمه حلقة جديدة من برنامج “أوضة اللبس” على قناة “النهار” : ” أنت كده يبقى دخلت الزمالك النفق المظلم ودخلته دوامة 2005، والحل يا سيادة الوزير لو فيه فرصة لعمل انتخابات خلال 45 يوم للزمالك للخروج من الازمة انت بتتعامل مع كيان كبير”
وتساءل “ميدو” :” هل هتسيبوا الزمالك يدخل النفق المظلم تاني احنا خلاص خسرنا افريقيا و خرجنا من الكأس مش مهم ياما فرق خسرت بس الزمالك ميدخلش النفق المظلم”
وتابع :” ليه مكتوب على الزمالك بس يعيش أزمات ومكتوب ليه على جمهور الزمالك عانى كتير وميستاهلش كده وعانى من عدم وجود استقرار إداري وازمات مالية وفضل مستني ومش الوقت اللي الزمالك رجع فيه وابتدى يكون في تعاقدات على اعلى مستوى و ينافسوا على البطولات”
وأكد “ميدو” :”عندي عشم في المسئولين انهم مش هيسمحموا أن الزمالك الكبير ميدخلش الدوامة تاني، وتغلبنا ماشي وخرجنا من الكأس ولعبنا في نهائي افريقيا كويس و خسرنا، ماتش النهارده يقلق فنيا ومشاكل أوضة اللبس”
شاهد:
