اخبار الزمالكميديا الزمالك

إسماعيل يوسف يكشف كواليس أزمة المستحقات المادية للاعبي الزمالك … ورسالة خاصة لـ ساسي – فيديو

كشف إسماعيل يوسف عضو مجلس إدارة الزمالك السابق حقيقة وجود أزمة مادية للاعبي الزمالك مع بداية الموسم الحالي، بعد رحيل مجلس الإدارة السابق برئاسة المستشار مرتضى منصور.

وقال ” يوسف” :” المفروض كل عقود اللعيبة تخلص 1يوليو ومكنش حد عارف ان في كورونا 1 أغسطس المفروض كان فيه مستحقات 25% مقدمات تعاقدات والموسم اتمد ومينفعش ادفع مقدم عقد والدوري شغال”.

وأشار :”افرض في حد هيمشي الدوري امتد لـ11 فتبقى 25% في شهر 12 واتحسب الـ4 شهور من 9 لـ12 ومكنش ينفع يدفعوا لان الفيفا قالت ممكن ناجل المستحقات”.

وأضاف ” تيجانا” خلال استضافته في برنامج ” جمهور التالتة” على قناة ” اون تايم سبورت 2 ” :” كنا بنتكلم مع اللعيبة لوفي تأخير مستحقات وكنا بنعطي لهم فلوس وفي حاجات كتير ومشاكل مكنش حد بيعرف عنها حاجه وكان أمير قادر على الاحتواء”.

وتابع :” كنا مقسمين الشغل أنا وامير وكنت اثق فيه لانه شاطر لما اللاعيلة رفضت تنزل التدريبات 4 مرات كنا بنتكلم معهم انا كلمتهم مرتين ومرتضى وأمير”

وعن أزمة تجديد عقد فرجاني ساسي “أوضح” :” محدش مسئول عن أزمة تجديد ساسي وأمير وصل معه لرقم معين واتفقوا على مليون و400 ألف يورو للتجديد وده رقم مناسب لقيمة ساسي الفنية وقيمته الفنية في وجود أمام مهمة اكتر ولما جابوا عصام مرعي وانا بلعب مستوايا زاد الضعف”.

وأكد ” يوسف” :” انا ضد فكرة أن إمام عاشور مكانى ساسي مفيش في الكرة كده واحنا علشان تستعطف الناس نعمل جو حوالين ساسي فرقة الزمالك عامله زي السلسلة”

وأكد :” فرجاني ساسي عاوز يستمر وبقوله لو الرقم اللي اتعرض عليك من الادارة الحالية اقل شويه فيعوضك حب الجماهير واللي، شجعتك مع منتخب تونس”

شاهد:

 

close