اخبار الزمالكميديا الزمالك

خالد الغندور يعلن : الزمالك صرف النظر عن التعاقد مع هذا الثنائي !!

اكد خالد الغندور نجم الزمالك السابق ان مجلس ادارة الزمالك المؤقت برئاسة اللواء عماد عبدالعزيز صرف النظر عن التعاقد مع حسام حسن مهاجم سموحة وباسم مرسي مهاجم الانتاج الحربي

واشار الي ان حسام حسن مهاجم سموحة اخطر ناديه بالرغبة في اللعب للأبيض وابلغهم برفض المغالاة المالية ، لكن الزمالك رفض ضم اللاعب بسبب اسلوب فرج عامر في التفاوض

وشدد علي ان باسم مرسي لن يكون لاعبا فى الزمالك خلال فترة الانتقالات الجارية وتم استبعاد اسمه من حسابات لجنة الكرة

واستكمل ان النادي ليس لديه ازمة سوي في مركز رأس الحربة وسيتم التعاقد مع لاعب واحد فقط او اتنين بحد اقصي ، او قد لايتم التعاقد مع اي لاعب

 

وتطرق للحديث عن ازمة زيزو ، حيث قال خالد الغندور: عبدالحليم علي قالي اوصل رسالة ان لاعبي الزمالك رجاله وميتخافش عليها،وقالي ان والد زيزو زعلان منك جدا علشان اتكلمت عليه وحش قولتله محصلش وقالي هيكلمك

وتابع : مكلمنيش وعبدالحليم اتصل تاني وسالني كلمك قولتله لا قالي طيب تمام، ومينفعش والد لاعب يكلم ف احترافه هو مش صغير وعنده وكيله

واضاف : رسالة لوالد زيزو انا بكن له كل احترام انا اكتر حد احب زيزو واتمنى له الخير لانه بيلعب فى الزمالك لكن انا ضد اي حاجه ضد كيان انت بتدور على مصلحة ابنك انما احنا بندور على الزمالك

واستطرد : والد زيزو قال لازم يحترف عاوز افهم يعني ايه احتراف، زيزو له 5 سنين محترف ف بلجيكا وساب ليرس البلجيكي بسبب خلاف بين ماجد سامي ووالده

وواصل : واللاعب رجع مصر ضاعت اقامته وكان بياخد عقد كبير في فلورنسيى ، وقعد في البيت 3 شهور واتدرب مع طارق السيد وعرضه علي الزمالك ، ومكنش معروف واسمه كبر بالزمالك وباجتهاداه والتزامه واحترافه

واستكمل : هو من 5 سنين ف اوروبا محدش كان يعرفه ولا راح منتخب انما لما جه الزمالك فكبره اوي وخلى الناس تعرفه، هل حلمه الاحتراف في الامارات ولا اوروبا ؟ اتصلت بالمسئول عن الكرة في نادي العين الاماراتي، والعين قرر انه عاوز لاعب مركز 10 ووينج يمين وشمال وتم ترشيح 8 لاعبين منهم بن شرقي واحمد زيزو ولاعب ياباني و2 برازيلين وجزائري مفيش فاكس رسمي او ايميل من نادي العرض

وواصل : هو بس نادر شوقي بتفويض من الشركة الاماراتية لنادي العين اتكلم وقال ف عرض ومفيش اي عروض ولا رفعنا اي قيمة

واتم : ولما كلمتهم قالوا مفيش اي عروض رسميه بالاضافة انهم لم يستقروا علة اسم اللاعب وتم استبعاد بن شرقي وزيزو هم اتفقوا مع اللاعب الياباني ولاعب رقم 10، اذن بقول لنادر شوقي مش انت بتتفاوض والسعر بيعلى هات ورقة رسمية من العين للزمالك
لان اللي اتقال لي عكس اللي اتقال كله

تعليقات زوار الموقع

اخبار ذات صلة