ميديا الزمالكاخبار الزمالك

شاهد | وصله غسيل ومكوى من ناقد رياضي لسيف زاهر و الاعلام الاهلاوي على الهواء – فيديو

انتقد الناقد الرياضي ” عمرو الدردير ” هجوم الاهلاويه على حكم مباراه بيراميدز أمام الأهلي ” جهاد جريشه ” في المباراه التي انتهت بالتعادل السلبي بين الفريقين في الجوله العاشرة من الدوري المصري.

وقال الدردير مع الاعلامي سيف زاهر عبر شاشة قناه اون تايم سوبرتس : انا في حاله دهشه من الاسطوانه المشروخه اللي بيرددها الاهلاويه وزعلانين من الحكام ما احنا طول عمرنا عارفين ان الحكام بيساندوا الاهلي ايه الجديد.

وواصل : الاهلي لما هو متضايق من التحكيم المصري رفض الحكام الاجانب ليه ؟ حاجه غريبه جدا.

واضاف : يا سيف يا زاهر الزمالك اتظلم تحكيميا في مباراه اسوان اتكلمتوا عن استحياء ساعتها ليه ؟ وليه لما يبقى فيه حاله جدليه كابتن شوبير بيجيب الفقره التحكيميه اول حاجه لكن مع الزمالك بتتحط في الاخر وبتتاخد خطف.

وتابع : الزمالك كان المفروض متصدر من مباراه اسوان لولا التحكيم محدش يقولي بسبب العارضه.

وأكمل : انتوا عاوزين تطلعوا شكل الڤار وحش عشان تلغوه لا مش هيتلغي لكن لازم اللي قاعدين على الڤار يبقى عندهم ضمير اكتر من كده.

وزاد : مع احترامي لكابتن احمد الشناوي هو خبير تحكيمي ليه ؟ التحكيم عندنا وحش جدا يبقى ازاي فيه خبراء.

واتم : انا مندهش ياكابتن سيف انت متبني فكرة انك تبيع مصطفى محمد وكل شويه تقول لازم يتباع طب ليه مش بتقول محمد شريف لازم يتباع احنا مش عاوزين نمشيه احنا محتاجينه فنيا وعاوزين كمان راس،حربه معه الاعلام كله عاوز مصطفى يحترف وعاوزين تضعفوا الزمالك وخلاص.

شاهد :

شاهد الفقرة كامله :

تعليقات زوار الموقع

اخبار ذات صلة