وزير الرياضة: غضيت بصري عن مخالفات في الأهلي … وهذا سر زيارتي لمنزل الخطيب – فيديو

وزير الرياضة: غضيت بصري عن مخالفات في الأهلي … وهذا سر زيارتي لمنزل الخطيب - فيديو

كشف الدكتور أشرف صبحي وزير الشباب والرياضة أنه تغاضى عن بعض المخلفات داخل نادي الأهلي خلال العام الماضي، مشيرًا إلي أنه حريص على التواجد بشكل مستمر داخل كافة المنشآت الرياضية.

وقال “صبحي” نتعامل بكل شفافية مع كافة المؤسسات، واحنا بنخاف على كافة مؤسساتنا الوطنية، وفي الكورة عندنا الزمالك والأهلي هما أكبر ناديين ليهم قاعدة جماهيرية داخل المجتمع المصري”

وأشار :” اللى بيحصل فى الزمالك والأهلي الناس بتشوفه لانهم واجهه كبيرة، ولما بتحصل حاجة فى الاندية دى بغض النظر عن بعض الأشياء بما لا يخرج عن القانون والحفاظ على النادي”

وأضاف “صبحي” خلال استضافته في برنامج ” مساء أون” على قناة ” أون تايم سبورت” : احنا عملنا كده مع النادي الأهلي السنة اللى فاتت، عشان كرامتنا ووجهتنا وكان لازم احافظ عليه”

وتابع :” احنا قولنا هنحافظ على نادي الزمالك، والناس بتقول الوزير راح بيت الخطيب ليه، وليه بيروح نادي الزمالك، وانا بقول الوزير يتعامل مع وطن وبيروح لكل الناس الموجودة، وفيه رؤية قيادة سياسية”.

وكشف ” فيه ناس بتقول لماذا لم يتم حل مجلس إدارة الأهلي، انا بحمى الكيانات فى النهاية ولجان التفتيش موجودة في كافة المؤسسات، اللجان بتحقق وتشوف شغلها وفيه مخالفات لم ترتقى للتحويل للنيابة او غيرها والموضوع يكتفي بتحقيق داخلي”

وواصل : قانون الرياضة بيدى الحرية للأندية للعمل وفق معايير محددة، وكان فيه مشكلة خرجت عن إطار السيطرة، وانا بفضل مراقب الوضع والكلام اللى بيدور في الشارع والجماهير بدأت تقول احنا هنروح ونطلع”

وأتم :” بدأت اتكلم مع كافة الأطراف بما فيهم الكابتن الخطيب، وهو كان ساعتها تعبان وبيعمل تحاليل، وكلمته ساعتها وقولتله انا هجى أزورك في البيت وكان موجود مجلس الإدارة واتكلمنا واتفقنا على منهجية مهمة فى الفترة دي” 

شاهد:

 

 

تعليقات الزوار
close
close
Share via
Copy link
Powered by Social Snap