أحمد حسن يكشف فرص نجاح مصطفى محمد فى الدوري التركي … عليه التحلي بهذه الصفات لضمان اللعب – فيديو

يرى أحمد حسن قائد المنتخب المصري السابق أن مصطفى محمد مهاجم نادي الزمالك لديه فرص كبيرة للنجاح في الدوري التركي وذلك بعد إعلان رحيله لجالطة سراى على سبيل الإعارة.

وقال ” حسن ” : “خطوة جيدة لمصطفى محمد وربنا يوفقه لأن جالطة سراي فريق كبير وعريق ومن الفرق المميزة وإن شاء الله تكون خطوة ونكون البداية له وتكون نقطة تحول للعب في أندية أكبر”.

وأشار :”عندهم مدرب كبير والناس كلها بتحبه ومعرفش مستوى الفريق ايه حاليا مصطفى مؤهلاته تؤهله للنجاح هناك ولكن علشان ينجح لازم يكون عنده طموح وأنا مش قلقان عليه والدوري التركي محتاج معدلات القوة كبيرة ولازم يجتهد”.

وأضاف “حسن” خلال مداخلة مع برنامج ” مساء أون” على قناة ” أون تايم سبورت” :” لازم مصطفى ميكونش عنده سقف، وانه رايح يعرض نفسه والمتابعة هناك اكتر ولو مشي معاهم كويس عنده فرصة المشاركة في دوري أبطال أوروبا أو الويفا”.

وتابع :” اللغة بتسهل كل شئ وكرة القدم مش محتاجه اللغة واللغة التركية صعبة وانا تعلمتها وليست عائقا أمامه واكيد هيكون ليه مترجم ولغة الكورة مش محتاجة ترجمة”.

وواصل ” حسن” : ” الدوري التركي في نجوم كتير وكل التوفيق ليه والنادي ليه جماهير كتير ومدينه اسطنبول معقل الفريق شبهنا وفي سنة ونصف أنه يدفع 2 مليون دولار في الظروف دي وانتشار كورونا ومادام دفعوا يبقى تابعوه كويس”

وكشف :” المدرب بتاعهم تنك اووي مادام طلب لاعب يبقى عارفه كويس وهيفيد مصطفى، وتركيا الجماهير عنيفة جدا وبيعشقوا الكرة اكترمن مصر”.

وأتم :” اسطنبول فيها 3 أندية زمالك وأهلي لكن فنربخشه شعبيتهم اكتر وجالطة سراي يتفوق بمشاركته الأوروبيه والفرق في البطولات بين بشكتاش وفنربخشه وجالطة سراي ليس بالكبير ممكن فرق بطولة أو 2 “.

شاهد: