أكد أيمن حفني نجم الزمالك العائد حديثًا إلى صفوف الفريق يسير على خطى جيدة خلال الموسم الحالي، مشيرًا أنه على اللاعبين ضرورة الحفاظ على صدارة جدول الدوري العام.
وقال “أيمن”: ” الزمالك بيقدم مستوى جيد والكل بيكمل بعضه وإن شاء الله نحقق البطولات الموسم ده، وإن شاء ساسي، يكمل ويجدد ويعتزل بالزمالك”.
وأشار :”إن شاء ربنا يوفق مروان حمدي وسيف الدين الجزيري لاعب كويس كنت معه في المقاولون وهو لاعب مهاري كويس وإن شاء الله يكون إضافة قوية”.
وأضاف ” حفني” خلال استضافته في برنامج ” زملكاوي” على قناة “الزمالك” :” أسامة فيصل لاعب جيد وهيكون من نجوم الزمالك القادمين وعندنا شباب كويسين”.
وتابع :”مصطفى محمد ربنا يكرمه كنت اتمنى استمراره لكن هو اختار الإحتراف وربنا يوفقه، ومعظم الفرقة كانت موجوده وأنا كنت معهم وهقابلهم بكره”.
وواصل ” حفني” :”الدوري طويل ولازم نحافظ على الصداره ونفرق عن الأهلي ونفوز والبدايات بتفرق معانا ولما بتبدأ كويس بتنهي كويس وإن شاء الله الدوري بتاعنا”.
وأكد :”عندنا لاعبيه مهاريه كتير وتقدر تفيد،الفريق وهو كان السبب في 2015 اننا نكسب الدوري لأنه كان فاز بأول 9 مباريات قبل قدوم فيريرا”.
وأتم :” كنت متوقع اننا نكسب السوبرين الإفريقي والمصري لان اللعيبة بتبان في الوقت الصعب وكنا محتاجين البطولتين”.
