اكد اشرف قاسم المشرف علي الكرة بنادي الزمالك ان امام عاشور لاعب خط وسط الفريق تغير تماما وتغيرت الفكرة المأخوذه عنها من الجمهور حول عصبيته
حيث قال أشرف قاسم فى برنامج اوضة اللبس عبر قناة النهار تقديم احمد حسام ميدو : أمام عاشور لازم تزرع جواه الثقه في المقام الأول لان ده بيغير شكل اداءه كليا في الملعب
وتابع : مفيش لاعب هيعمل كل حاجة لوحده ولكن بمجهود كل اللي حواليه هتوصل لافضل شكل ممكن، أمام عاشور مؤدب جدا ومطيع جدا وبيسمع كلام المدرب وبينفذ أوامره بالحرف
واستكمل : كان بيتاخد كلام عليه انه عصبي َلكن الأمر ده تغير كليا حاليا وبقي هادي جدا ومبقاش بيخاف َبقي بيسدد من أي مكان بدون خوف ولا تردد وهو من اللعيبه المميزين في المكان ده
وعن مباراة المصري قال : المباراة كانت صعبه بسبب انها كانت بعد مباراه الجيش ب٤٨ ساعه في السويس وكان في سفر ورجوع وبعدين سافرنا اسكندريه النهارده وبنلاعب فريق كبير زي المصري
وواصل : لكن البطل لا يخشى اي شئ وفي اوقات تبقى عايزه تكسب بغض النظر عن الأداء وده اللي تم النهارده مقارنه بالأداء في مباراه الجيش
واستطرد : غياب حازم إمام النهارده كان للراحة فباتشيكو فضل يبدأ بحمزه المثلوثي عشان كده،الرساله اللي لازم توصل للناس ان الناس اللي بتطلع من القايمه ملهاش علاقه باداءه لا خروج المثلوثي بعد مباراه إنبي بسبب المستوى ولا خروج حازم بعد مباراه الجيش بسبب المستوى وكل مباراه ليها ظروفها
واتم : مستر باتشيكو موصل لكل لاعب في الفريق حاليا ان مكانك مش مضمون ومفيش حد حاجز مكانة وان الملعب هو الفيصل في وجودك في التشكيل الأساسي
