الفنان صلاح عبدالله يحذر لاعبي الزمالك بعد تصدر الدوري ويعلق علي احتراف مصطفي محمد : استعجل

ابدى الفنان الزملكاوي القدير صلاح عبدالله سعادة كبيرة بعودة ايمن حفنى للزمالك وتصدر الابيض بطولة الدوري العام

حيث قال خلال برنامج زملكاوي مع المقدم الجديد محمد ابوالعلا : انت كنت بتنور الملاعب يامحمد وفرحتنا كتير وان شاء الله تنور قناة الزمالك الجميله

وتابع : انا بحب ايمن حفني اوي وكان بيمزجني وفرحان بعودته ومتوقع وعندي امل ان اشوف الهندسة والمدرسة وهو فنان بالملعب وان شاء الله نتمتع بها تاني

وواصل : استقبلت عودته بحب وفرحة واتأكدت لما شوفته ف القناة وقولت ايمن دلوقتي ف الفرقه لانه من الكباتن

واضاف : قولت مرة نفسي وامنيه حياتي اعتزال شيكا في الزمالك لكن هو اهو بيلعب وبيشارك نفسي ايمن يكمل ف الزمالك ربنا يعطيه الصحة ويكمل في الملاعب

واستطرد : الصراحة فرحان بتصدر الزمالك ولكن جوايا الحذر بتاع خبرة السنين في تشجيع الزمالك وبلاش دلع واستهتار وعاوزين نلعب الدوري كانها كأس وخروج المغلوب

واستكمل : علشان منرجعش لفصول ان الزمالك هو المتصدر بفارق وبعدها تحصل حاجه مش لطيفه لان الدوري طويل

وقال : الاداء حلو جدا وممتع ونفسي افرح بالبطولة وان شاء الله ربنا يكرم بالدوري وافريقيا والزمالك باللاعيبن دول وايمن يقدر ياخد البطولات لاسعاد الجماهير المحبه

واتم : اتمتى التوفيق لمصطفى محند ولكن هو استعجل شويه في الاحتراف واتمنى اشوفه زي محمد صلاح