اكد يوسف ابراهيم اوباما لاعب الزمالك ان الاهلي نادي كبير ويحترمه ويجب جمهوره ، ولكن في النهاية الزمالك ناديه وجدد تعاقده مع الابيض
حيث قال اوباما : احب جمهور الاهلي و شرف لاي حد ان يلعب في الاهلي و سوف العب في الاهلي في حاله واحده فقط عندما يقول لي الزمالك شكرًا لا نريدك و لكن ان طلب الزمالك ان العب بدون فلوس ليس هناك مشكلة العب بدون مقابل
وتابع : تلقيت مفاوضات من بعض مسئولي النادي الاهلي ولكنني فضلت الاستمرار في الزمالك ولكن لامانع من اللعب للأحمر حال توجيه الابيض الشكر له ، وستكون هذه هي الحالة الوحيده للعب للأهلي فقط
واضاف : ده نادي الزمالك وشيكا وجنش وفتوح وانا مش هقول بيحبوا الزمالك لا ببعشقوا النادي لوقولتلهم تعالوا اشتغلوا اي حاجه مش هيرفضوا وجنش متقدرش كويس ويستاهل اكتر من كده وحب الناس له من فراغ
وتابع : مصطفى محمد بيحب الزمالك ومحدش يقول غير كده في نهائي الكونفيدرالية جه حضرالمباراة ف النهائي انت بتكلم ف ايه وتقول مش عاوز يقعد؟؟
واستكمل : كل واحد له خصوصيات ومستقبله انا حابب اكمل ف الزمالك ورفضت عرض مضاعف ومصطفى ممكن في ضغط ومعرفش عاوز يمشي اولا وكل واحد ببشوف مستقبله من وجهة نظره هو انا قولت 25 سنة وممكن اعمل تاريخ ف الزمالك وخوفت اخد مخاطره وامشي واقول لولادي ومش شرط اخد فلوس والناس تنساني
واضاف : انا عمري في حياتي ماطلبت من الزمالك انا قعدت مع الناس ف الزمالك وجاي لي عرض كذا كابتن ايمن يونس قالي احنا ظروفنا كذا قولتله تمام موافق
وواصل : بعد تألقي مع جروس عدلوا عقود بعض اللعيبة وعقدي لا حسيت ان مش مهم في الفرقة ولوجبت العقد من اتحاد الكرة وكان قليل وفضلت صابر 3 سنين وقولتلهم عوضوني وبالفعل عملوا كده حفاظا علي ابن من ابنائهم
واستطرد : بشكر امير مرتضى كان اكتر واحد عاوزني اجدد وبقولها وهو مش موجود لان ده حقه وعمري ماشكرته في وجوده لان حرام اظلمه والزمالك اهم عندي من اي حد
واتم : قول لجمهور الزمالك متقلقوش الناس الموجودة محترمة وهنخلي نادي الزمالك ف المكانة اللي يليق به
شاهد :
