اول تعليق من باتشيكو بعد تعادل الزمالك امام اسوان : إذا استمرت المباراة ليومين لن نسجل

اكد البرتغالي جايمي باتشيكو المدير الفنى للفريق الأول لكرة القدم بنادي الزمالك ان فريق اسوان قدم مباراة جيدة علي المستوي الدفاعي امام الزمالك

وشدد علي ان فريق علاء عبدالعال يستحق الاشادة على تنظيمه الدفاعي ، ولكن التعادل السلبي لا يعني ان الابيض لعب بشكل سئ

حيث قال باتشيكو في المؤتمر الصحفي عقب اللقاء : في الاوقات اللي زي دي عندنا رأي احنا عارفين شغل اللاعب وشغل الفريق اسوان عملت شغل جماعي واشتغلوا كويس

وتابع : مش معنى اننا مش بنكسب اننا لعبنا مش كويس ولكن الفريق اللي قدامنا قدم مباراة جيدة وسيطرنا على المباراة وكانت من جانب واحد ودائما كان في حاجة ناقصة وبشكل النهاردة لو لعبنا يومين الكرة مكانتش هتدخل اللاعيبة قدمت مباراة كبيرة وروح كبيرة

واستطرد : حاولنا بكل الطرق للتسجيل ولكن هذه هي كرة القدم وبهنئ اللاعيبة على روحها العالية

الباكين كانوا بيلعبوا في وسط ملعب اسوان وبعدين دفعنا بشيكابالا ورغم الزيادة الهجومية لكن لازم احافظ على النواحي الدفاعية بدون خلل كل اللاعيبة كانت بتؤدي النواحي الهجومية

وواصل : لعبنا بطريقة منظمة ولكن غاب التوفيق كنت بلعب ب٣ لاعيبة ثابتين وباقي الفريق بيهاجم وابو جبل مصدش ولا كرة

واستطرد : اسوان مهاجمش خالص وكان تمركزه دفاعيا مكناش مبسوطين بالتمركز ده لانه منعنا من الفوز

واتم : عندنا لاعيبة كويسة جدا من النواحي الفردية ودائما بسيب حرية الابتكار للاعيبة وكسبنا مباريات كتير بالشكل ده لسة في اول الدوري والمشوار طويل