باتشيكو بعد فوز الزمالك على المصرى : بن شرقي لن يستطيع ايقاف جبهة المصري .. وهذا سبب استبعاد شيكابالا
اكد البرتغالي جايمي باتشيكو المدير الفني للفريق الاول لكرة القدم بنادي الزمالك ان الفريق حقق المطلوب امام المصري بالرغم من استحواذ الاخير
واستكمل انه لم يعتمد علي المغربي اشرف بن شرقى في مركز الجناح الايسر بسبب عدم قدرته على تقديم المساندة الدفاعية في ظل جبهة المصري اليمني القوية
حيث قال في المؤتمر الصحفي للقاء : كلنا مبسوطين بالفوز ماتش اتلعب كويس خططيا المصري لم يخسر قبل كدة ولو مش منظمين كان هيجي فيهم ٣ اهداف
وتابع : قررنا اننا ندي الاستحواذ للمصري وقولت للاعيبة هنكسب بالتفاصيل الصغيرة عشان كدة لازم نركز بما اننا بنشتغل كويس وبنبقى منظمين قدرنا في الشوط التاني نطلع بهجوم منظم مش هجمات مرتدة وقدرنا نسجل ولعبنا بصورة خططية جيدة
واضاف : في مراكز حساسة في تغيير اللاعبين زي حراسة المرمى ولو كنت غيرت الباك مع المساك يبقى غيرت ٥٠ في المية من خط دفاعي
واستطرد : لعبت قدام المصري بدون كتير من اللاعيبة بس مش بشتكي ولو كنت لعبت ببن شرقي طرف مكنش هيقدر يعمل المساندة الدفاعية مع ابو الفتوح خصوصا ان جبهة اليمين للمصري قوية جدا
وواصل : بحب دائما يبقى كل اللاعيبة جاهزة ده شئ ايجابي بالنسبة لي .. شيكابالا لعب الماتش اللي فات ممتاز وقررت اريحه النهاردة
واتم : اي لاعب هيجي الزمالك مش هيبقى اساسي بسهولة لان اللي موجود مميز ولو مش هجيب لاعب افضل من اللي عندي يبقى بلاش
