تصريحات نارية من مصطفي محمد مع ميدو … اريد الاحتراف ولم افتعل أي مشكلة وتحملت من أجل الزمالك …التصريحات بالكامل – فيديو

تحدث مصطفى محمد مهاجم الفريق الأول لكرة القدم بنادي الزمالك عن رغبته فى خوض تجربة الإحتراف الخارجية خلال الفترة المقبلة، مؤكدًا أنه لم يفتعل اى أزمات خلال تواجده فى الزمالك على مدار الفترة الماضية.

وقال “مصطفى” :” انا طالع أوضح وارد علشان حبا فى جمهور نادي الزمالك  وهل حد شاف مصطفى محمد عمل أي مشكلة أو طلب فلوس زيادة قبل كدة”

وأشار :” جالى عرض قبل كدة بـ 200 الف يورو وكنت ساعتها باخد 600 الف جنيه فى طلائع الجيش، وأول ما خلصت إعارة طلائع الجيش قالولى هتروح سموحة أو الإسماعيلي وبعدها رجعت الزمالك لان ده كان حلمي من الأول”.

وأضاف “مصطفى” خلال مداخلة في برنامج ” اوضة اللبس” على قناة ” النهار” تقديم أحمد حسام ميدو :” النادي قالى احنا عندنا حلم بطولة أفريقيا لان ده كان حلمي فعلا وكان جايلى الصيف اللى فات 10 اضعاف اللى باخده فى نادى الزمالك فى تركيا ومرضتش وقلت ده حلم النادي وحلمي اننا ناخد أفريقيا”

وتابع :” ساعتها خت وعدت قدام مصر كلها انى هخرج بعد بطولة أفريقيا، ومش سهل ان اللاعب يجيلة عرض من فرنسا”.

ووجه مصطفى حديثة لجمهور الزمالك قائلا :” انا عندى 24 سنه والفرصة مش بتيجى بالساهل وكل ما اكبر الفرصة فى الاحتراف بتقل، ومش مضمون أن الأولمبياد تتلعب ممكن تتلغى ممكن العب وحش أو ملاقيش عرض أنا زملكاوى اكتر من أى حد”.

شاهد: