تعليق مفاجئ من شوبير على بيان اللجنة المعينة في الزمالك بشأن العروض الإحترافية للاعبي الفريق | فيديو

علق الإعلامي أحمد شوبير على بيان اللجنة المعينة لإدارة نادي الزمالك والتى أعلنت من خلالها رفضها لكافة العروض الإحترافية المقدمة للاعبي الفريق خلال الفترة الحالية.

وقال “شوبير” :” بيان محترم من اللجنة المؤقته لإدارة الزمالك بغلق وعدم النظر في أي عروض احترافية خارجية للاعبي الفريق الموضوع أصبح غريب كل هذه العروض في وقت واحد”.

وأشار :” ساسي حالة خاصة والحب اللي شافه فرجاني ساسي في الزمالك عمره ما هيلاقيه في اي مكان ثاني وهو شاف بنفسه الكلام ده”.

وأضاف “شوبير” خلال تقديمه حلقة جديدة من برنامج ” ملعب أون” على قناة “أون تايم سبورت” :” لكن محمود الونش وزيزو وأحمد عيد وباقي اللاعبين ازاي العروض دي كلها ظهرت في الوقت ده”.

وتابع :” لازم الجمهور يفهم اللي بيحصل واديك شايف الأحداث في أمريكا حاليا وناس اقتحمت الكونجرس وضرب نار وناس اتنقلت للمستشفى وفي ناس لازم تفهم مين المستفيد من اللي بيحصل في الزمالك ده”.

وواصل :” عيب أن حد يتلاعب بنادي الزمالك بالشكل ده، وحضرتك عايز تهاجم وتطلع في فيديوهات براحتك لكن لما بتكلم على كيان واستقرار الزمالك الناس لازم تفهم”

وواجه “شوبير” حديثة لجمهور الزمالك قائلا :” الجماهير لازم تكون واعية وعاقلة وفيه واحد يطلع بيكدب ويقول كلام ملوش اى اساس من الصحة والناس لازم تعرف ان كل ده غلط”

وأتم :”سلسلة من الاكاذيب المستمرة واللعب بمشاعر الجماهير وللاسف البعض ينساق وراء الكلام ده”.

حرصت اللجنة المعينة لإدارة نادي الزمالك بإصدار بيان هام وعاجل بشأن العروض الاحترافية المقدمة لبعض لاعبي الفريق الأول لكرة القدم بنادي الزمالك.

بيان هام وحاسم من اللجنة المعينة لإدارة نادي الزمالك بشأن رحيل لاعبي الفريق