حرص الإعلامي خالد الغندور مقدم برنامج ” زملكاوي” على قناة ” الزمالك” على توجيه رسالة خاصة لحكام الدوري المصري وذلك بعد كثرة الحالات الجدلية في الفترة الأخيرة.
وقال ” الغندور” :” اللي بيدير الحكام وجيه أحمد وعزب حجاج، وابن الكابتن عزب حجاج ابنه بيحكم وجمال الغندور له ابنه وابن عمه وأحمد الشناوي ابنة بيحكم وفي خبابا اعلمها، القصة مش الزمالك اتظلم والأهلي مبيتظلمش”.
ووجه ” الغندور” رسالة إلى الحكام قائلا :”رسالة للحكام لوسمحت متخافش متترعبش تحمل الضغوط مش تبص للألوان واللي قاعد على تقنية الفار للاسف بيعلن انتماءه عادي”.
وأضاف ” الغندور” خلال تقديمه حلقة جديدة من برنامج “زملكاوي” على قناة “الزمالك”:”لو كنت حسبت كرة إمام عاشور كنا هنقول 10/10 ولوكنت حسبت كرة محمد شريف، والـ2 ضربات جزاء محدش كان هيقدر يقولك حاجه”.
وتابع “الغندور” في رسالته للحكام قائلا :”احسب اللي انت بتشوفه ومتفوتش حاجه وخلي الحكم يجيلك”.
وواصل :” في كرة في ماتش أسوان حازم إمام اخد انذار وقعد شويه يسمع لحكم الفار علشان يشوفها طرد أو إنذار وشوفت فاول اللي جه منه الهدف ومشوفتش لعبة إمام اللي قدام عينك”.
وأكمل :”بنشوف خبراء التحكيم الشناوي وسمير عثمان وياسر عبدالرؤوف والاجانب محدش اتفق على شئ إلا لما بيكون يقيني وكلهم قالوا ضربة جزاء لـ إمام عاشور ومحمد شريف”.
