خلال مداخلة فى قناة الزمالك .. اشرف قاسم ينفجر في وجه الغندور واعداد القناة : انا محدش يوجهنى
انتقد اشرف قاسم المشرف علي الكرة بنادي الزمالك توجيه فريق الاعداد له خلال مداخلة بقناة الزمالك ، مؤكدا ان احد الاشخاص طلب منه الحديث عن امر معين
وظهر قاسم غاضبا للغاية خلال مداخلة مع خالد الغندور ، مؤكدا انه يتم استدعائه لعمل مداخلة عند الازمات فقط ويتجاهلونه عند انتصارات الفريق
حيث قال اشرف قاسم في مداخلة بالقناة عبر منصة برنامج زملكاوي تقديم خالد الغندور : احد الأشخاص في إعداد برنامج زملكاوي بيوجهني اقول ايه ومقولش ايه وقالي هتتكلم على زيزو وطلبه الرحيل انا مش هتكلم الا اللي انا عاوز اقوله ومش اي حد يتكلم او يكتب حاجة هطلع ارد عليه
وتابع : ومينفعش حد يوجهني انت تسألني وانا اجاوبك بس، انت مكلمتنيش امبارح بعد الماتش والنهارده جاي تكلمني عن مشكلة وتقولي رد
واستكمل : مقولناش ان باب الاحتراف اتقفل قولنا مش هناقش عروض لكن الادارة لها وجهة نظر وهي صاحبة القرار النهائي واللي في مصلحة النادي هيحصل
واستطرد : اتمنى اللعيبه كلهم يحترفوا لانه هيعود على مصر والمنتخب ويشرفونا و صعب اوي نتكلم ونرد على كل كلمة بتتقال فريق الاعداد يزعل هما احرار ونادر شوقي يتكلم زي ما هو عايز والمفروض يتكلم عن النادي اللي بيمثله وميتكلمشي على لاعب ولا نادي لا يمثله
واتم : الجهاز الفني ليه رأي ومجلس الادارة بيطلب رايه وبعدها بياخد القرار اللي في مصلحة النادي ودي قرارات صعبه ولازم نتروى لاتخاذ القرار المناسب للكل وليس فرد واحنا بنشارك في اكتر من بطولة ومحتاجين كل اللعيبة قبل ما نوافق على رحيل اي لاعب هل في بديل ليه او لأ
